Kammarpally | హ‌స్తం గూటికి..
కాంగ్రెస్ పార్టీలో చేరిన మున్నూరు కాపు సంఘ సభ్యులు
Kammarpally | కమ్మర్‌పల్లి, ఆంధ్రప్రభ : కమ్మర్‌పల్లి మండల కేంద్రానికి చెందిన మున్నూరుకాపు సంఘ సభ్యులు దాదాపు 50 మంది బాల్కొండ నియోజకవర్గ కాంగ్రెస్ పార్టీ ఇన్‌చార్జ్ ముత్యాల సునీల్ కుమార్ (Sunil Kumar) సమక్షంలో ఆదివారం కాంగ్రెస్ పార్టీలో చేరారు. కాంగ్రెస్ ప్రజా ప్రభుత్వం చేస్తున్న అభివృద్ధి పనులు, సంక్షేమ పథకాలకు ఆకర్షితులై కాంగ్రెస్ పార్టీకి మద్దతుగా ముత్యాల సునీల్ కుమార్ నాయకత్వంలో ప్రజాపాలనలో భాగస్వామ్యం కావడానికి కాంగ్రెస్ పార్టీలో చేరారు. వారందరికీ ముత్యాల సునీల్ కుమార్ రెడ్డి పార్టీ కండువాలు కప్పి పార్టీలోకి ఆహ్వానించారు. ఈ కార్యక్రమంలో కాంగ్రెస్ పార్టీ మండల అధ్యక్షుడు సుంకేట రవి, మార్కెట్ కమిటీ చైర్మన్ పాలేపు నర్సయ్య, వైస్ చైర్మన్ సుంకేట బుచన్న, కాంగ్రెస్ పార్టీ నాయకులు, కార్యకర్తలు తదితరులు పాల్గొన్నారు.
