రిజర్వాయరుకు ముప్పులేదు
- ఎందుకు కుంగిందో నివేదిక ఇవ్వండి
- అవుకులో మంత్రి బీసీ జనార్థన్ రెడ్డి
అవుకు రూరల్, ఆంధ్రప్రభ : గత రెండు రోజుల కిందట కుంగిన అవుకు తిమ్మరాజు(Thimmaraju) రిజర్వాయర్ రివిట్ మెంట్ ప్రాంతాన్నిమంత్రి బీసీ జనార్దన్ రెడ్డి(BC Janardhan Reddy) ఆదివారం పరిశీలించారు. మంత్రి బీసీ మాట్లాడుతూ.. అవుకు రిజర్వాయర్(Reservoir) రెవిట్ మెంట్‌ను 16 నిర్మించారని, ఏడాది కిందట కుంగిన చోటే మళ్లీ కుంగిందన్నారు. లోపం ఎక్కడుందో నిపుణుల ద్వారా తెలుసుకుంటామని, ఏడాది వ్యవధిలోనే రెండుసార్లు రెవిట్ మెంట్(Revitalization) కుంగిపోయిందన్నారు.
సంబంధిత శాఖ అధికారులను ప్రశ్నించి ఈ ఘటనకు కారణాలను మంత్రి తెలుసుకున్నారు. సమస్య పరిష్కారానికి నివేదికలు తయారుచేసి అందించాలని అధికారులను మంత్రి కోరారు. ఇరిగేషన్(Irrigation) మంత్రి దృష్టికి తీసుకెళ్లి ఇలాంటి ఘటన మరల పునరావృతం కాకుండా చూస్తామన్నారు. అవుకు రిజర్వాయర్ పూర్తి నీటి సామర్థ్యం 4.148 టీఎంసీలు(TMCs) కాగా ప్రస్తుతం 2.68 టీఎంసీల నీరు నిల్వ ఉందన్నారు.
జీఎన్ఎస్ఎస్(GNSS) కాల్వ ద్వారా కడప జిల్లాలకు నీటిని ఎప్పటి కప్పుడు తరలిస్తూ అధికారులు పర్యవేక్షించాలని అధికారులకు మంత్రి బీసీ సూచించారు. మంత్రితో పాటు జల వనరుల శాఖ అధికారులు ఈఈ శుభకుమార్( EE Subhkumar), డిఈ కిరణ్ కుమార్(DE Kiran Kumar), జేఈ సుధాకర్ పాల్గొన్నారు.
