Sports | శ్రీకాకుళం, ఆంధ్రప్రభ : అంతర్జాతీయ విభిన్న ప్రతిభావంతుల దినోత్సవం సందర్భంగా స్థానిక ఆర్ట్స్ కళాశాల మైదానంలో విభిన్న ప్రతిభావంతులకు క్రీడల పోటీలు నిర్వహించారు. ఈ క్రీడల పోటీలను వికలాంగుల శాఖ ఇన్ ఛార్జీ ఎ.డీ. బీ. షైలజ, డీ.ఎస్.ఓ. ఎ. మహేష్ లు జండా ఊపి ప్రారంభించారు. ఆటల పోటీలు అన్ని విభాగాలకు సంబంధించి జూనియర్స్, సీనియర్ విభాగాల్లో జరిగాయి. ముందుగా అంధులకు నడక పోటీలు, పరుగు పోటీలను నిర్వహించారు. అనంతరం షార్ట్ పుట్, జావిలింగుత్రో, డిస్క్ త్రో, మొదలగు ఆటలను కోచ్ లు, లోపింటి రాజశేఖర్, ఉమామహేశ్వరరావు, శ్రీను, సింహాచలం, హరికృష్ణ, వివిధ విభాగాలకు సంబంధించిన ఆటలను ఆడించారు. క్రీడా మైదానంలో మెడికల్, మంచి నీటి సదుపాయంతో పాటు మధ్యాహ్న భోజన సదుపాయాన్ని నిర్వాహకులు ఏర్పాటు చేశారు. ఈ సందర్భంగా జరిగిన పోటీలలో విజేతలకు డిసెంబర్ మూడవ తేదీన జరగబోయే వికలాంగుల దినోత్సవం రోజున విజేతలకు బహుమతులు అందజేస్తారని నిర్వాహాకులు తెలిపారు. ఈ కార్యక్రమంలో సంబంధిత శాఖ అధికారులు, విద్యా వాలంటీర్స్ పాల్గొన్నారు.
