పొంగిపొర్లుతున్న వాగులు, వంకలు
చేవెళ్ల, సెప్టెంబర్ 26,{ఆంధ్రప్రభ}: చేవెళ్ల (Chevella) నియోజకవర్గలో కుండపోత వర్షం కురిస్తున్నది. ఎడతెరిపి లేకుండా కురుస్తున్న వర్షంతో వాగులు, వంకలు పొంగిపొర్లుతున్నాయి. పామేన, తల్లారం, కౌకుంట్ల, అంతారం, ఆలూరు, దేవరంపల్లి, ధర్మసాగర్ వాగుల వద్ద వాగుల వద్దవంతెన పైనుంచి వరద ప్రవహించడంతో రాకపోకలు నిలిచిపోయాయి.
శుక్రవారం తెల్లవారుజాము నుంచి నుంచి సాయంత్రం వరకు ఎడతెరిపి లేకుండా వర్షం పడడంతో లోతట్టు ప్రాంతాలు జలమయమయ్యాయి. అదేవిధంగా ఈసీ, మూసీ నదులు (Musi River) ఉప్పొంగి ప్రవహిస్తున్నాయి. ప్రజలు వర్షాల వల్ల ఇంటికి పరిమితమయ్యారు. శంకర్ పల్లి లో ఉప్పొంగి ప్రవహిస్తున్న మూసీనదిని ఎమ్మెల్యే కాలె యాదయ్య పరిశీలించారు.
