మీడియాతో మాట్లాడిన ఎంపీ కేశినేని శివ‌నాథ్…
దొంగ మద్యం వ్యాపారంలో వైసిపి…..
ఎమ్మెల్యే వై.ఎస్.జ‌గ‌న్ రెడ్డి దే ప్రధాన హ‌స్తం..
మీడియాతో మాట్లాడిన ఎంపీ కేశినేని శివ‌నాథ్…
ఎన్టీఆర్ జిల్లాలో వైసిపి నాయ‌కులకు దొంగ మద్యం వ్యాపారంతో సంబంధం…
త్వ‌ర‌లోనే వైసిపి నాయ‌కుల షేర్ ఎంతో తెలుతుంది….
దోషుల‌కు త‌ప్ప‌కుండా శిక్ష ప‌డుతుంది…
రాబోయే అసెంబ్లీ ఎన్నిక‌ల్లో వైసిపి ఎమ్మెల్యే జ‌గ‌న్ ఓడిపోవ‌టం ఖాయం…
వైసిపి నాయ‌కుల‌పై మండిప‌డిన ఎంపీ కేశినేని శివ‌నాథ్
( ఆంధ్రప్రభ భవానిపురం ) ఎన్టీఆర్ జిల్లాలో వున్న ప్ర‌ముఖ వైసిపి నాయ‌కులంద‌రితో పాటు దేవినేని అవినాష్‌, పేర్ని నాని, జోగి ర‌మేష్, వెల్లంప‌ల్లి శ్రీనివాస్ హ‌స్తం దొంగ మద్యం వ్యాపారంలో వుంది. ఈవిష‌యం త్వ‌ర‌లోనే బ‌య‌ట‌ప‌డి వీరికి శిక్ష ప‌డ‌టం ఖాయ‌మ‌ని విజ‌య‌వాడ ఎంపీ కేశినేని శివ‌నాథ్ అన్నారు. విజ‌య‌వాడ పున్న‌మి ఘాట్-బేరం పార్క్ వ‌ద్ద గ్రేట్ అమరావ‌తి షాపింగ్ ఫెస్టివ‌ల్ ప్రారంభోత్స‌వానికి ముఖ్యఅతిథిగా విచ్చేసిన ఎంపీ కేశినేని శివ‌నాథ్ మీడియాతో మాట్లాడారు.
ఈ సంద‌ర్బంగా ఎంపీ కేశినేని శివ‌నాథ్ దొంగ మద్యం పేరుతో వైసిపి ఆడిన డ్రామా పై తీవ్ర స్థాయిలో మండిప‌డ్డారు. వైసిపి నాయ‌కుల‌పై తీవ్ర ఆగ్ర‌హం వ్య‌క్తం చేశారు. రాష్ట్రంలో దొంగ‌చాటుగా దొంగ మద్యం అమ్మించిన వైసిపి మ‌రో కొత్త డ్రామాకు తెర తీసింద‌న్నారు. గ‌త వారం రోజులుగా వైసిపి నాయకులు దొంగ మద్యం పేరుతో ఎన్డీయే కూట‌మి ప్ర‌భుత్వాన్ని అల్ల‌రి చేయ‌టానికి ప్ర‌య‌త్నించి విఫ‌లం చెందిందన్నారు.ఎన్డీయే కూట‌మి అధికారంలోకి వచ్చిన త‌ర్వాత రాష్ట్రంలో దొంగ మ‌ద్యాన్ని ఎక్క‌డిక్క‌డ కట్టడి చేశామ‌న్నారు.
వైసిపి నాయకులు సౌతాఫ్రికాలో ఒక గ‌దిలో దొంగ మద్యం ఏ విధంగా త‌యారు చేస్తున్నారో అదే విధంగా ఇబ్ర‌హీంప‌ట్నంతో పాటు ర‌క‌ర‌కాల ప్ర‌దేశాల‌లో త‌యారు చేస్తున్నారన్నారు. రాష్ట్రంలో వైసిపి దొంగ మద్యం డ్రామాను ఎన్డీయే కూట‌మి నాయకులు కట్టడి చేయ‌ట‌మే కాకుండా..దొంగ మద్యం వెన‌క వున్న నేర‌స్థుల‌ను బ‌య‌టి తీసుకురావ‌టం జ‌రిగింది . ఈ కేసులో ప‌ట్టుబ‌డిన ఎ1 ముద్దాయి వైసిపి కి బాగా కావాల్సిన వ్య‌క్తి…ఆ వ్య‌క్తి వెన‌క వైసిసి గ‌జ‌దొంగ‌లు, బందిపోట్లు అంద‌రూ వున్నారన్నారు. ఈ కేసులో వైసిపి ముఖ్య నాయ‌కుల్లో ఒక పేరు బ‌య‌టికి వ‌చ్చింద‌ని, మిగిలిన వారంద‌రి పేర్లు త్వ‌ర‌లో బ‌య‌టికి వ‌స్తాయన్నారు.
ఇక్క‌డ దొంగ మద్యం వ్యాపారం 2022 నుంచి ఇక్క‌డ జ‌రుగుతోందన్నారు . రాష్ట్రంలో దొంగ మద్యం వ్యాపారం చేయాల‌నుకున్న వారి కుట్ర‌లు అన్ని బ‌య‌టికి వ‌స్తున్నాయని తెలిపారు. .ఈ గ‌జ‌దొంగ‌ల‌కు ముఠా నాయ‌కుడు ఎమ్మెల్యే జ‌గ‌న్ రెడ్డి హ‌స్తం కూడా వుందన్నారు. త్వ‌ర‌లోనే ఎమ్మెల్యే జ‌గ‌న్ రెడ్డి షేర్ ఎంతో, వైసిపి నాయ‌కుల షేర్ ఎంతో తెలుతుందని, త‌ప్ప‌కుండా వాళ్ల‌కి శిక్ష ప‌డుతుందన్నారు. వైసిపి ఎమ్మెల్యే జ‌గ‌న్ రెడ్డి రాబోయే అసెంబ్లీ ఎన్నిక‌ల్లో పులివెందుల్లో ఓడిపోవ‌టం ఖాయమ‌న్నారు.
