Kadem | 30ఏళ్ల తర్వాత కల్లెడ సర్పంచ్ బరిలో…
మాజీ సర్పంచ్ టి రుక్మిణి దేవి
Kadem | కడెం, ఆంధ్రప్రభ : కడెం మండలంలో సర్పంచ్, వార్డు సభ్యుల నామినేషన్ ప్రక్రియ మమ్మురంగా కొనసాగుతుంది. కడెం (Kadem) మండలంలోని కొండుకూర్ క్లస్టర్ లో నామినేషన్ల స్వీకరణ కేంద్రంలో మండలంలోని కల్లెడ మాజీ సర్పంచ్ తాటి రుక్మిణి దేవి సంజీవ్ పటేల్ సర్పంచ్ అభ్యర్థిగా నామినేషన్ వేశారు.
కాగా 1995 సంవత్సరంలో తాటి రుక్మిణి దేవి (Rukmini Devi) కల్లెడ గ్రామ సర్పంచ్ గా కొనసాగారు. 2006 సంవత్సరంలో తాటి రుక్మిణి భర్త తాటి సంజీవ్ పటేల్ కూడా కల్లెడ గ్రామ సర్పంచ్ గా కొనసాగారు. ప్రస్తుతం 30సంవత్సరాల తర్వాత మళ్లీ కల్లెడ మాజీ సర్పంచ్ తాటి రుక్మిణి సర్పంచ్ అభ్యర్థిగా నామినేషన్ వేయడం విశేషం.
ఈసందర్భంగా రుక్మిణి దేవి మాట్లాడుతూ… గతంలో తాము చేసిన గ్రామ అభివృద్ధిని చూసి తమను ఆశీర్వదించాలన్నారు. కల్లెడ జిపి (Kaleda GP) పరిధిలోని ప్రజా సమస్యలను ప్రభుత్వం దృష్టికి, అధికారుల దృష్టికి తీసుకెళ్లి సమస్యల పరిష్కారానికి తమవంతు కృషి చేస్తామన్నారు. ఈ ఎన్నికల్లో తమ ఓటు వేసి గెలిపించాలని గ్రామ ప్రజలను, ఓటర్లను ఆమె విజ్ఞప్తి చేశారు.
