మధుకర్ మృతి ఘటనలో..
- మధుకర్ మృతి ఘటనలో 13 మందిపై కేసు నమోదు
- సూసైడ్ లేఖలో పేర్కొన్నట్లుగానే ఏ-1, ఏ-2, ఏ-3 నిందితులుగా ఆ ముగ్గురు
- రుద్రంభట్ల సంతోష్ కుమార్ తర్వాత గాలి మదుతే కీలకపాత్ర ..?!
మంచిర్యాల ప్రతినిధి – ఆంధ్రప్రభ : వేమనపల్లి బీజేపీ( BJP) మండల అధ్యక్షుడు ఏట మధుకర్ మృతి ఘటనలో కొత్త ట్విస్ట్(new twist) చోటు చేసుకుంది. ఈ ఘటనకు సంబంధించి పోలీసులు 13 మందిపై కేసు నమోదు చేశారు. సూసైడ్ లేఖతో సహా మృతుడి కుమారుడు ఇచ్చిన ఫిర్యాదును పరిగణనలోకి తీసుకోవడంతో నిందితుల సంఖ్య పదమూడుకు పెరిగింది.
ఏ-1 నిందితునిగా నీల్వాయి(Nilwai) కాంగ్రెస్ పార్టీ నాయకుడు, మాజీ ఎంపీటీసీ రుద్రంభట్ల సంతోష్ కుమార్(Santosh Kumar), ఏ-2 నిందితునిగా గాలి మధు, ఏ-3 చింతకింది కమల పై కేసు నమోదు కాగా ఏ ఫోర్ గా చెన్నూరు సమ్మయ్య ఏ-5 నిందితునిగా షాబీర్ అలీ పై పోలీసులు కేసు నమోదు చేశారు. అదేవిధంగా ఏ-6 మంత్రి రమేష్, ఏ-7గా జడగళ్ల శారద, ఏ-8 నిందితురాలిగా అద్దెరపల్లి రాజేశ్వరి(Rajeshwari) పై కేసు నమోదు కాగా ఏ-9గా మానేపల్లి ప్రమీల, ఏ-10గా జంపం మారక్క, ఏ-11గా కొండపల్లి లక్ష్మి, ఏ-12గా మానేపల్లి మల్లేష్, ఏ-13 నిందితురాలిగా నాయిని శైలజ, ఇతరులపై పోలీసులు కేసు నమోదు చేయడం జరిగింది.
