గోల్డ్ రేట్ యమస్పీడ్

గోల్డ్ రేట్ యమస్పీడ్

• తాజా మార్క్ లైన్ దాటేసింది
• హైదరాబాద్ ఈ రోజు రికార్డు రూ.1.25 లక్షలట

( ఆంధ్రప్రభ, బిజినెస్ డెస్క్) : ఔను అనుకున్నదే జరిగింది. దసరాకు బంగారం ధర పెరిగింది. ఇక దీపావళి రెడీ అవుతోంది. బంగారం ప్రియుల అంచానాలు ఎక్కడా పిల్లి మొగ్గలు వేయటం లేదు, ఎందుకంటే .. దసరా సందట్లో సడేమియాలా బంగారం ధర దూసుకు పోయింది. మరో 17 రోజుల్లో దీపావళి బొనాంజా ధమాకా చిరునవ్వులతో వెల్ కమ్ చెబుతోంది. దసరా పండక్కిపొగలు కక్కే పాయసాన్ని అందించిన బులియన్ మార్కెట్,, ఇక దీపావళికి ఎలాంటి హాట్ హాట్ టెస్ట్ ను అందిస్తుందోనని పసిడి ప్రేమికులు ఉత్కంఠగా ఉన్నారు. దసరా సందడికి కొత్త అల్లుళ్లు అత్తారింటికి వస్తే.. ఒక చైనో.. బ్రాస్ లెట్ ఇవ్వక పోతే అసలు బాగోదు. అని మధ్య తరగతి మావయ్య ఫీల్ అవుతాడు. ఇంట్లో పెళ్లి సిద్దమవుతున్న కూతురుకు ఈ రోజు నుంచే రెండు మూడు తులాల బంగారు నెక్లెస్ బ్యాలెన్స్ కోసం సగటు తల్లీ తండ్రీ తపిస్తారు. ఇక విషయాన్ని పక్కన పెడితే.. దీపావళి అంటేనే.. మహా పండుగ. బాణాసంచా ఎంత పేల్చామన్నది లెక్క కాదు.. ఎన్ని సవర్ల బంగారం కొన్నామన్నది సెంటిమెంటు.

ఈ స్థితిలో.. గత రెండు మూడు రోజులుగా బులియన్ మార్కెట్ లో బుల్లీష్ ట్రెండ్ దూసుకుపోతోంది. దీపావళిలోపే తేరుకుని బంగారం కొనేయాలని మరి కొందరు బ్యాంకు బ్యాలెన్సులు సర్దుతున్నారు. ఆలస్యం చేస్తే అనువైన ధరకు బంగారం దక్కదనే కొనుగోలు దారుల్లో ఇప్పటికే బులియన్ మార్కెట్ టెన్సన్ క్రియేట్ చేసింది. దీపావళి పండుగ నాటికి 10 గ్రాముల మేలిమి బంగారం ధర లక్షన్నరకు చేరిపోతుందని .. పసిడి బిడ్డలు కంగారెత్తుతున్నారు. ఐను నిజమే కదా.. సరీగా 50 రోజుల కిందట అంటే ఆగస్ట్ 20 న మేలిమి బంగారం ధర రూ.1,00,150లు ఉంటే.. అక్టోబర్ 2న దేవుడి పాట రూ.10లు కలిపి రూ.1,19,925లకు ధర చేరింది. ఇక ఆభరణాల 22 క్యారట్ బంగారం ధర రూ.91,800లు ఉంటే గురువారం ఉదయానికి రూ.1,09,310 ధరకు చేరింది. గురువారం సాయంత్రానికి పది గ్రాముల బంగారం ధర రూ.1,21,000లు దాటినట్టే. ఈ స్థితిలో దీపావళికి గోల్డ్ రేట్ సునాయసంగా రూ. 1,50,000లు మార్క్ లైన్ దాటేయటం ఖాయంగానే కనిపిస్తోంది.

ప్రస్తుతం మార్కెట్ ట్రెండ్ ను పరిశీలిస్తే, దీపావళికి పది గ్రాముల బంగారం ధర లక్షన్నర రూపాయలకు చేరటం ఖాయమని మార్కెట్ ఎనలిస్టులు అంచావేస్తున్నారు. ప్రపంచవ్యాప్తంగా రాజకీయ అస్థిరతలు, యుద్ధాల నేపథ్యంలో పెట్టుబడిదారులు సురక్షిత ఆస్తుల వైపు మొగ్గు చూపుతున్నారు. షేర్ మార్కెట్లు ఎప్పుడు గతుక్కుమంటాయో తెలియని స్థితి. ఇక బంగారం విలువ.. తరుగు పోతే.. విలువ స్థిరం. వడ్డీ రేట్లు తగ్గే సూచనలతో పెట్టుబడిదారులు బంగారాన్ని స్థిరాస్తిగా భావిస్తున్నారు. ఇక అమెరికా వాణిజ్య వడ్డింపులు, వీసా ఆంక్షల నేపథ్యంలో ఐటీ పరిశ్రమ దిక్కులు చూస్తోంది. షేర్ మార్కెట్ లో ఐటీ వాటాలు నేల చూపులో ఉన్నాయి. ఈ స్థితిలో ఐటీ రంగంపై మదుపర్ల నమ్మకం సన్నగిల్లుతున్న తరుణంలో.. గోల్డ్ మార్కెట్ పై ఐటీ దిగ్గజాల దృష్టి మరలటంతో.. గోల్డ్ మార్కెట్ చుక్కానీ దృష్టి కూడా మలుపు తిరుగుతోంది. ఈ స్థితిలో.. ఇప్పటి వరకూ కుటుంబ హొదాకు పరిమితమైన గోల్డ్.. ఇప్పటికే ప్రపంచ షేర్ మార్కెట్టును శాసిస్తోంది. రోజులు మారే కొద్దీ ఈ బంగారు లక్ష్మీ మధ్య తరగతికి దూరం కావటం తథ్యమని సామాజిక విశ్లేషకుల అంచనా.

తెలుగు రాష్ట్రాల్లో.. రయ్ రయ్

ఇక ఏపీ, తెలంగాణల్లో దసరా పండక్కి బులియన్ మార్కెట్ మిలమిల మెరిసింది. భారత దేశంలోనే బంగారం వ్యాపారంలో అత్యధిక వాటాను కలిగిన ఈ రాష్ట్రాల్లో ,, బంగారం ధర యమస్పీడ్ తో దూసుకు పోతోంది. ఇక దసరా పండుగ తెలంగాణాలో మహా పండుగే. ఈ స్థితిలో గడచిన రెండు రోజుల్లో బంగారం ధర రికార్డు స్థాయిలో దూసుకు పోతోంది. మదరాసీ బులియన్ మార్కెట్ లో బంగారం ధరను హైదరాబాద్ బులియన్ టైకూన్ లు బీట్ చేశారు. ఈ రోజు (గురువారం అక్టోబర్ 1న) పసిడి ధర కాంతులు పరిశీలిద్దాం. బుధవారం రాత్రి 7.00 గంటలకు అందిన సమాచారం మేరకు అంటే 10 గ్రాముల 24 క్యారెట్ల బంగారం ధర రూ.1,18,640లు పలికితే.. గురువారం ఉదయానికి రూ.1,19,925లకు చేరింది. కేవలం కొన్ని గంటల్లోనే రూ.1285లు పెరిగింది. అంటే బుధవారం ఉదయం నుంచి గురువారం ఉదయం వరకూ.. కేవలం 24 గంటల్లో 10 గ్రాముల బంగారం ధర రూ.2480లు పెరిగింది. 22 క్యారెట్ల 10 గ్రాముల బంగారం రూ.1,07,660ల నుంచి రూ.. ఒక్క రోజులోనే రూ.1,09,310లకు చేరింది. రూ.1,650లు పెరిగింది. 18 క్యారెట్ల 10 గ్రాముల ధర 88,080ల నుంచి రూ.89,410లకు అంటే ఈ ఒక్క రోజునే రూ.900లు పెరిగింది. రూ.1,350లకు చేరింది. ఇదే రీతిలో రోజుకు సగటున 10 గ్రాముల బంగారం ధర రూ.2000లు పెరిగితే.. రాబోయే 17 రోజుల్లో ఎంత పెరుగుతుదంటే.. రూ.1,21,000లకు రూ.34 వేలు జతకలుస్తుంది. అంటే.. దీపావళికి 10 గ్రాముల బంగారం ధర రూ.1,55,000లకు చేరుతుందని అంచనా.

అంతు చిక్కని హైదరాబాద్

ఇక తెలంగాణలో బంగారం ధర గోల్డ్ లవర్స్ కు అంతు చిక్కటం లేదు. అధికారికంగా ఓ ధర.. అనధికారికంగా మరో ట్రెండ్ నడుస్తోంది. హైదరాబాద్లో 10 గ్రాముల 24 క్యారెట్ల బంగారం ధర .. రూ. 1,24,000లు దాటినట్టు విస్తృత ప్రచారం నేపథ్యంలో.. బులియన్ మార్కెట్ సమాచారం మేరకు, బుధవారం రాత్రి 7.00 గంటల నుంచి గురువారం ఉదయం 10.00 గంటల వరకూ బంగారం ధర రూ.2480లు పెరిగింది . రూ.1,18,640ల నుంచి రూ.1,19,925లకు చేరింది. 22 క్యారెట్ల 10 గ్రాముల బంగారం రూ.1,08,750ల నుంచి రూ.1,09,310లకు చేరింది. 18 క్యారెట్ల 10 గ్రాముల ధర రూ.88,980ల నుంచి రూ.89,410లకు పెరిగింది.

నగరం 24 క్యారెట్స్ 22 క్యారెట్స్ 18 క్యారెట్స్
హైదరాబాద్ రూ.11,925లు రూ.10,310 లు రూ.8,941లు
వరంగల్ రూ.11,925లు రూ.10,310 లు రూ.8,941లు
విజయవాడ రూ.11,925లు రూ.10,310 లు రూ.8,941లు
గుంటూరు రూ.11,925లు రూ.10,310 లు రూ.8,941లు
విశాఖపట్నం రూ.11,925లు రూ.10,310 లు రూ.8,941లు
చెన్నై రూ.11,947లు రూ.10,951లు రూ.9,061లు
కోల్కత్త రూ.11,864లు రూ.10,875లు రూ.8,898లు
ముంబై రూ.11,864లు రూ.10,875లు రూ.8,898లు
ఢిల్లీ రూ.11,864లు రూ.10,875లు రూ.8,898లు
బెంగళూరు రూ.11,864లు రూ.10,875లు రూ.8,898లు
కేరళ రూ.11,864లు రూ.10,875లు రూ.8,898లు
అహ్మదబాద్ రూ.11,930లు రూ.10,936లు రూ.8,946లు
వడోదర రూ.11,930లు రూ.10,936లు రూ.8,946లు