మళ్లీ తగ్గిన బంగారం ధర..

ఆంధ్రప్రభ, బిజినెస్ డెస్క్ : మూడు రోజుల కిందట అమాంతంగా పెరిగిన బంగారం ధరతో కంగుతిన్న పసిడి ప్రియులకు బులియన్ మార్కెట్ ధర తగ్గింపు ప్రసాదం కంటిన్యూ చేస్తోంది. గురువారం బంగారు ప్రియులను ఆకట్టుకున్నట్టే మళ్లీ ధర తగ్గించి ఊరిస్తోంది. దసరాకు షాక్ ఇచ్చినట్టే ఇచ్చి ఇప్పుడు దీపావళి ధమాకా ఆఫర్ను అందిస్తోంది.

శుక్రవారం రాత్రి 8.00 గంటలకు అందిన సమాచారం మేరకు, పది గ్రాముల 24 క్యారెట్ల బంగారం రూ.650లు తగ్గింది. గురువారం రూ.1,18,690లు పలికిన మేలిమి బంగారం ధర శుక్రవారం రూ.1,18,040లకు తగ్గింది. ఆభరణాలకు వినియోగించే 22 క్యారెట్ల బంగారం పదిగ్రాముల ధర రూ,1,08,800ల నుంచి రూ.1,08,200లకు పడిపోయింది. అంటే రూ.600లు తగ్గింది. ఇక పది గ్రాముల 18 క్యారెట్ల బంగారం ధర రూ. 89,020ల నుంచి రూ.88,530లకు పడిపోయింది. అంటే రూ.490లకు తగ్గింది.

తెలుగు రాష్ట్రాల్లో.. ఆనందో బంగారం

ఇక ఏపీ, తెలంగాణల్లో బంగారం ప్రేమికులకు ఊరట లభించింది. ఈ దీపావళి వరకూ ఈ ట్రెండ్ ఇలాగే కొనసాగితే.. బులియన్ మార్కెట్ లో కొనుగోళ్ల జోష్ పెరుగుతుంది. ఇక రాబోయే రోజుల్లో ఈ ధర ఎంత మేరకు తగ్గుతుంది, దీపావళికి ఎంత షాక్ ఇస్తుందని అంశంపైనే చర్చ జరుగుతోంది.