Anushka | అనుష్క, అడివి శేష్ మధ్య ఏం జరిగింది..?

Anushka | ఆంధ్రప్రభ, వెబ్ డెస్క్ : అడివి శేష్‌.. డిఫరెంట్ సినిమాలు చేస్తూ.. కెరీర్ లో దూసుకెళుతున్నాడు. ముఖ్యంగా థ్రిల్లర్ సినిమాలతో.. వరుసగా సక్సెస్ సాధించి తనకంటూ ఓ ప్రత్యేక గుర్తింపు ఏర్పరుచుకున్నాడు. ఇప్పుడు డెకాయిట్ (Dacoit) అనే సినిమాతో.. ప్రేక్షకుల ముందుకు వస్తున్నాడు. ఈ సినిమా ఈ నెల 10న రిలీజ్ కానుంది. ఈ మూవీ ప్రమోషన్స్ లో భాగంగా మీడియా ముందుకు వచ్చిన శేష్‌.. అనుష్కను కాలితో తన్నిన విషయాన్ని బయటపెట్టాడు. ఇది సోషల్ మీడియాలో వైరల్ అయ్యింది. ఇంతకీ.. అనుష్క, అడివి శేష్ మధ్య ఏం జరిగింది..?

డెకాయిట్ మూవీ ప్రమోషన్స్ లో భాగంగా సుమ.. శేష్ తో చేసిన ఇంటర్ వ్యూలో ఎన్నో ఆసక్తికర విషయాలను బయటపెట్టాడు. ఈ ఇంటర్ వ్యూలో బాహుబలి సినిమా టైమ్ లో అనుష్కతో తన ప్రయాణం గురించి చెప్పాడు. బాహుబలి సినిమాలో ప్రభాస్ (Prabhas) హీరోగా అనుష్క హీరోయిన్ గా నటించగా.. విలన్ భళ్లాలదేవగా రానా నటిస్తే.. ఆయన కుమారుడుగా అడివి శేష్ నటించారు. అయితే.. ఓ సన్నివేశంలో అనుష్కని మెడ పై శేష్‌ తన్నాలట. ఆ సీన్ కోసం శేష్‌ ఎన్ని సార్లు ప్రయత్నం చేసినా ఆ పాత్రకు తగ్గట్టుగా ఇంటెన్సిటీ రావడం లేదట. అప్పుడు రాజమౌళి చాలా ఫోర్స్ గా తన్నమని చెప్పారట.

రాజమౌళి చెప్పడం.. అప్పటికే ఎన్ని సార్లు చేసినా ఆ సీన్ కరెక్ట్ గా రాకపోవడంతో.. చాలా గట్టిగా తన్నాను.. ఆ సమయంలో అనుష్క (Anushka) మెడ భాగం బెణికినట్లు అనిపించింది. అంత బలంగా తన్నినా సరే.. అనుష్క ఏ మాత్రం బాధపడలేదు. సీన్ బాగా వచ్చిందా..? లేదా..? అని మాత్రమే ఆలోచించింది. అందుకే.. అనుష్క పేరు తగ్గట్టుగా చాలా స్వీట్ అంటూ అభినందించి అసలు విషయం బయపెట్టాడు శేష్. అది మేటర్. శేష్ డెకాయిట్ మూవీని బాగా ప్రమోట్ చేస్తున్నాడు. ఈ మూవీ పై చాలా నమ్మకంగా ఉన్నాడు. ఈ నెల 10న డెకాయిట్ రిలీజ్ కానుంది. మరి.. శేష్ నమ్మకం ఎంత వరుకు నిజం అవుతుందో చూడాలి.