హైదరాబాద్, ఆంధ్ర‌ప్ర‌భ వెబ్ డెస్క్ : తెలంగాణ రాష్ట్ర‌వ్యాప్తంగా గ‌త కొన్ని రోజులుగా భారీ వర్షాలు కురుస్తున్నాయి. ముఖ్యంగా హైద‌రాబాద్‌లో వ‌రుణుడు పిల‌వ‌కున్నా వ‌చ్చేస్తున్నాడు. వర్షాలు పోయానుకుంటున్న స‌మ‌యంలో దంచికొడుతున్నాయి. దీంతో న‌గ‌ర ప్ర‌జ‌లు అత‌లాకుత‌లం అవుతున్నారు. రాబోయే మూడు రోజుల పాటు (సోమ, మంగ‌ళ, బుధ) వర్షాలు కురిసే అవకావం ఉందని హైదరాబాద్ వాతావరణ కేంద్రం హెచ్చరించింది. పలుచోట్ల ఉరుములు, మెరుపులు, ఈదురుగాలతో కూడిన వర్షాలు కురిసే అవకాశం ఉందని తెలిపింది. అక్కడక్కడ భారీ వర్షాలు కురిసే అవకాశాలున్నాయని వివరించింది. ఈ మేరకు జిల్లాలకు ఎల్లో అలెర్ట్‌ జారీ చేసింది హైదరాబాద్ ప్రాంతీయ వాతావరణశాఖ.
తెలంగాణ వ్యాప్తంగా అలెర్ట్‌..
