VOTE | అవకాశం కల్పిస్తే.. రూపురేఖలు మారుస్తా
- నాగిరెడ్డిపల్లి కాంగ్రెస్ సర్పంచ్ అభ్యర్థి: గోవింద్ గౌడ్
VOTE | ఊట్కూర్, ఆంధ్రప్రభ : ఎంతో అభివృద్ధి చేశా ఓటుతో మరో అవకాశం కల్పిస్తే మంత్రి డా.వాకిటి శ్రీహరి సహకారంతో గ్రామ రూపురేఖలు మార్చి మరింత అభివృద్ధి చేసి చూపిస్తానని నాగిరెడ్డిపల్లి కాంగ్రెస్ సర్పంచ్ మద్దతు అభ్యర్థి గోవింద్ గౌడ్ అన్నారు. శనివారం నారాయణపేట జిల్లా ఊట్కూర్ మండల పరిధిలోని నాగిరెడ్డిపల్లి గ్రామ సర్పంచ్ అభ్యర్థిగా మద్దతు దారులతో కలిసి ఇంటింటి ప్రచారం ముమ్మరంగా చేపట్టారు. ఈ సందర్భంగా ఆయన మాట్లాడుతూ…. గ్రామంలో నెలకొన్న వివిధ సమస్యలు పరిష్కరించేందుకు శక్తి వంచన లేకుండా కృషి చేస్తానని అన్నారు.
నిరుపేదలకు ప్రభుత్వ సంక్షేమ పథకాలు మంజూరు చేయించే బాధ్యత తీసుకుంటానని అన్నారు. గ్రామంలోని ప్రతి సమస్యను తెలుసుకున్న వ్యక్తిగా నన్ను ఆదరించి గెలిపిస్తే గ్రామాన్ని అన్ని విధాలుగా అభివృద్ధి చేసి చూపిస్తానని అన్నారు .గ్రామ అభివృద్ధికి నిస్వార్ధంగా సేవ చేసే భాగ్యం కల్పించాలని ఓటర్లను విజ్ఞప్తిచేశారు. ఈ కార్యక్రమంలో మాజీ సర్పంచ్ స్వాతిగౌడ్ వార్డు మాజీ సర్పంచ్ స్వాతిగౌడ్ వార్డు అభ్యర్థులు నాయకులు తదితరులు పాల్గొన్నారు.
