TG | ఉపాధ్యాయుల పెండింగ్ బకాయిలు విడుదల చేయాలి
TG | ఉపాధ్యాయుల పెండింగ్ బకాయిలు విడుదల చేయాలి
- ఎస్సీ, ఎస్టీ జిల్లా అధ్యక్షుడు రామ్ టెక్ శ్రీనివాస్
TG |దండేపల్లి, ఆంధ్రప్రభ : ఎస్సీ, ఎస్టీ టీఎఫ్ జిల్లా ఉద్యోగ ఉపాధ్యాయుల పెండింగ్ బకాయిలను వెంటనే చెల్లించాలని ఎస్సీ, ఎస్టీ జిల్లా అధ్యక్షుడు రామ్ టెక్ శ్రీనివాస్ ప్రభుత్వాన్ని డిమాండ్ చేశారు. శుక్రవారం దండేపల్లి మండల కేంద్రంలో ఏర్పాటు చేసిన సంఘ సమావేశంలో ఆయన మాట్లాడుతూ.. ఎంతో కాలంగా ఎదురుచూస్తున్న ఉపాధ్యాయులకు ఒక్క డీఏ ఇచ్చి ప్రభుత్వం చేతులు దులుపుకున్నారు. మిగిలిన 5 డీఏలను కూడా వెంటనే విడుదల చేయాలన్నారు.
ఉపాధ్యాయుల అవసరాల నిమిత్తం పొదుపు చేసిన జీపీఎఫ్ సరెండర్ బకాయిలు వెంటనే విడుదల చేయాలని పదవి విరమణ పొందిన ఉద్యోగ ఉపాధ్యాయులకు చెల్లించాల్సిన పెండింగ్ బకాయిలను కాలయాపన లేకుండా వెంటనే అందేలా చూడాలన్నారు. ప్రభుత్వ పాఠశాలల్లో చదువుతున్న విద్యార్థులకు స్టూడెంట్స్ కిట్స్ ఇస్తామని ప్రభుత్వం ప్రకటించడం పై హర్షం వ్యక్తం చేస్తున్నామన్నారు. అనంతరం 2026 క్యాలెండర్ విడుదల చేశారు. ఈ కార్యక్రమంలో రాష్ట్ర గౌరవ అధ్యక్షుడు బాదావత్ ప్రకాష్ నాయక్ జిల్లా బాధ్యులు ధర్మయ్య మండల అధ్యక్షుడు గోపాల్, గంగన్న తదితరులు పాల్గొన్నారు.
