Bodhan | సైన్స్ ఫెయిర్ ప్రారంభం
Bodhan | బోధన్, ఆంధ్రప్రభ : విద్యార్థుల్లో సృజనాత్మకత, నైపుణ్యాలను వెలికి తీయడానికి వీలుగా సైన్స్ ఫెయిర్ (Science Fair) ఉపయోగపడుతుందని జిల్లా కలెక్టర్ వినయ్ కృష్ణారెడ్డి అన్నారు. సోమవారం బోధన్ (Bodhan) పట్టణంలో విద్యాశాఖ ఆధ్వర్యంలో జిల్లా సైన్స్ ఫెయిర్ ఏర్పాటు చేశారు. సైన్స్ ఫెయిర్ లో జిల్లాలోని వివిధ ప్రభుత్వ ప్రైవేట్ పాఠశాలలకు చెందిన విద్యార్థులు 500సైన్స్ ప్రాజెక్ట్ లను ప్రదర్శించారు. పర్యావరణం, నీటి సంరక్షణ, వాతావరణ కాలుష్యం, ఆధునిక పద్ధతుల్లో సేద్యం వంటివి ప్రదర్శించారు. పలు స్టాళ్లను పరిశీలించి జిల్లా కలెక్టర్ చర్చించారు. ఈ కార్యక్రమంలో జిల్లా విద్యాశాఖ అధికారి అశోక్, బోధన్ సబ్ కలెక్టర్ వికాస్ మహాతో, బోధన్ ఎంఈఓ నాగయ్య, తదితరులు ఉన్నారు.
