TRAIN | అదే పాత పాట
నంద్యాల స్టేషన్ లో రైలు గోల
TRAIN | (నంద్యాల, ఆంధ్రప్రభ బ్యూరో) ఏ రైలు ఏ టైంకి వస్తుందో.. ప్రయాణికులను అలర్ట్ చేసే ప్రకటన తప్పుదారి పడితే.. అక్కడ ఎదురయ్యే గందరగోళం అంతా ఇంతా కాదు నంద్యాల రైల్వేస్టేషన్ లో ఈ గమత్తు ఎదురవుతోంది. సరీగా ఆదివారం రైలు పాత పాట గందరగోళం సృష్టించింది. నంద్యాల (Nandyal) రైల్వే స్టేషన్ మీదుగా (17253/17254 రైలు) గుంటూరు– ఛత్రపతి శంభాజీ నగర్ ఎక్స్ ప్రెస్ నడుస్తోంది. ఈ మధ్యనే ఈ పేరును రైల్వే శాఖ మార్చింది ఔరంగాబాద్ ఎక్స్ ప్రెస్ రైలు పేరును ఇటీవల అధికారికంగా ఛత్రపతి శంభాజీ నగర్ ఎక్స్ ప్రెస్ గా మార్పు చేశారు. పేరు మారినా… నంద్యాలలో మాత్రం ఇప్పటికీ ‘ఔరంగాబాద్’ ఎక్స్ ప్రెస్ పేరునే అనౌన్స్ చేస్తున్నారు. రైలు బోర్డులు, టైమ్‌ టేబుళ్లు, కొన్ని ఇతర స్టేషన్లలో కొత్త పేర్లు అమల్లో ఉన్నప్పటికీ, నంద్యాలలో అనౌన్స్‌మెంట్లు మార్చలేదు. ప్రత్యేకించి కొత్త ప్రయాణికులు, వృద్ధులు , దూర ప్రాంతాల నుంచి వచ్చే ప్రయాణికులు పాత పేరు– కొత్త పేరుల మధ్య గందరగోళానికి గురై దారి తప్పే ప్రమాదం ఉందని ప్రయాణికులు వాపోతున్నారు.
