భూపాల‌ప‌ల్లి జిల్లా ప్ర‌తినిధి : జయశంకర్ భూపాలపల్లి (Jayashankar Bhupalpally) జిల్లాలో వాగులు, వంకలు ఉధృతంగా పొంగిపొర్లుతున్నాయి. గురువారం జిల్లాలో 634.0 మి.మీ వర్షపాతం నమోదైంది. వరద లతో రహదారులపై నీరు చేరిన చోట్ల, కాజ్‌వేల వద్ద ప్రమాదాలు సంభవించే అవకాశం ఉన్నందున ప్రజలు, వాహనదారులు వెళ్లకుండా చర్యలు తీసుకోవాలని జిల్లా కలెక్టర్ (Collector) రాహుల్ శర్మ ఆదేశించారు. మోరంచ వాగు (Morancha stream) ప్రమాదకర స్థాయికి చేరుకొని ప్రవహిస్తుండటంతో భూపాలపల్లి ఎమ్మెల్యే గండ్ర సత్యనారాయణ రావు నీటి ఉధృతిని పరిశీలించి ప్రజలను అప్రమత్తం చేశారు.

గణపురం (Ganapuram) మండలంలోని నగరంపల్లి గ్రామంలో మొసర్లకుంట వాగు తెగడంతో మోరాంచపల్లి వద్ద మోరాంచ వాగు గురువారం మొదటి ప్రమాద హెచ్చరిక వద్ద ప్రవహిస్తోంది. మోరంచ పరివాహక పంట పొలాలు నీట మునిగాయి. ఎగువ ప్రాంతాల నుండి వచ్చే వరద ప్రవాహాన్ని ఎప్పటికప్పుడు అంచనా వేసి అవసరమైన జాగ్రత్తలు తప్పనిసరిగా చేపట్టాలని (Precautions should be taken) కలెక్టర్ అధికారులకు సూచించారు. అలాగే మహాముత్తారం మండలం నిమ్మగూడెం, పెగడపల్లి గ్రామాల మధ్య ఉన్న పెద్ద వాగుకు నీటి ప్రవాహం ఎక్కువగా వస్తున్నందున ప్రజల రాకపోకలు నియంత్రణకు గ్రామపంచాయతీ ట్రాక్టర్ ను అడ్డుగా పెట్టి వాహనాల రాకపోకలు సైతం నిలిపివేశారు.

Leave a Reply