Medical camp | కరీమాబాద్, ఆంధ్రప్రభ : శ్రీ మాత స్వచ్ఛంద సేవా సంస్థ ఆధ్వర్యంలో మంగళవారం ఉచిత వైద్య శిబిరం నిర్వహించారు. వైద్య శిబిరాన్ని డాక్టర్ డి అరుణ్ కుమార్, ఎండీ, వందన (MD, Vandana) హై స్కూల్ ప్రిన్సిపాల్ ఆడెపు విజయ శ్యామ్ ప్రారంభించారు. మంగళవారం శివనగర్ లోని వందన హైస్కూల్లో మెడికవర్ హాస్పిటల్, శరత్ ఐ హాస్పిటల్ సౌజన్యంతో వందన హైస్కూల్ సహకారంతో ఉచిత వైద్య శిబిరం ఏర్పాటు చేసి సుమారు 100 మంది విద్యార్థులు, 100 మంది డివిజన్ ప్రజలను పరీక్షించి ఉచితంగా డయాబెటిక్ టెస్ట్, బీపీ, నేత్ర పరీక్షలు, ఈసీజీ పరీక్ష నిర్వహించి మందులు అందచేశారని శ్రీమాతా స్వచ్ఛంద సేవా సంస్థ అధ్యక్షురాలు ముద్దసాని మల్లిక, ప్రధాన కార్యదర్శి నన్నపనేని సంజీవరావు తెలిపారు. వైద్య శిబిరంలో మెడికవర్ ఆసుపత్రి బృందం డాక్టర్ అరుణ్ కుమార్ క్యాంప్ కోఆర్డినేటర్ బంక సుమంత్ ఫార్మా డీ విద్యార్థులు మధుశా,ఉష రెడ్డి, ధరణి, శరత్ ఐ ఆస్పత్రి డాక్టర్ల బృందం పాల్గొన్నారు. కార్యక్రమంలో శ్రీమాతా స్వచ్ఛంద సేవా సంస్థ కోశాధికారి కొత్తగట్టు కళ, కార్యదర్శి ఆకు బత్తిని రజని, పాఠశాల వైస్ ప్రిన్సిపాల్ ఆడెపు విజయ శ్యామ్, డివిజన్ ప్రజలు, విద్యార్థులు పాల్గొన్నారు.
