Medaripet | ఆదర్శ గ్రామంగా తీర్చిదిద్దుతా..

Medaripet | ఆదర్శ గ్రామంగా తీర్చిదిద్దుతా..

Medaripet, దండేపల్లి, ఆంధ్రప్రభ : ఈనెల 11న జరిగే స్థానిక సంస్థల ఎన్నికల్లో తనను ఆశీర్వదించి సర్పంచ్ గా గెలిపిస్తే.. మెదరిపేట్ గ్రామాన్ని అన్ని విధాలుగా అభివృద్ధి చేసి రాష్ట్రంలోనే ఆదర్శ గ్రామంగా తీర్చిదిద్దుతానని కాంగ్రెస్ పార్టీ బలపర్చిన సర్పంచ్ అభ్యర్థి చొప్పదండి అనూష రాజేష్ అన్నారు. మంగళవారం గ్రామంలో కాంగ్రెస్ పార్టీ నాయకులతో కలిసి ఇంటింటా ప్రచారం నిర్వహించారు.

అనంతరం కాంగ్రెస్ పార్టీ అభ్యర్థి అనూష రాజేష్ మాట్లాడుతూ.. మెదరిపేట్ గ్రామంలో ఉన్న పేద ప్రజలకు అండగా నిలబడి.. ప్రజల కష్టాలు తీర్చేందుకు ముందుంటానని ప్రజలకు తెలియచేశారు. ఇప్పటికే గ్రామంలో సేవలందించిన ఘనత తమకే దక్కుతుందని.. ప్రజలు ఒక్కసారి ఆలోచించండి అన్నారు. గ్రామంలో అన్ని వీధులలో వీధిలైట్లు, డ్రైనేజీ, సీసీ రోడ్లు, మురికి కాలువలు ఏర్పాటు చేస్తానని హామీ ఇచ్చారు. ఉంగరం గుర్తుకు ఓటేసి భారీ మెజార్టీతో గెలిపించాలని విజ్ఞప్తి చేశారు.