CONGRESS | అభివృద్ది బాధ్యత నాదే..
CONGRESS | భీంగల్ టౌన్, ఆంధ్రప్రభ : భీంగల్ పట్టణాన్ని అన్ని రంగాలలో అభివృద్ధి చేసే బాధ్యత తన పై ఉందని బాల్కొండ నియోజకవర్గం కాంగ్రెస్ పార్టీ (Congress Party) ఇంచార్జి ముత్యాల సునీల్ కుమార్ స్పష్టం చేశారు. ఆదివారం భీంగల్ మున్సిపల్ కు చెందిన సుమారు 200 మంది వివిధ పార్టీల నుండి కాంగ్రెస్ పార్టీలో చేరారు. ఈ సందర్బంగా వారికి పార్టీ కండువా కప్పి స్థానిక సంస్థల ఎన్నికల్లో కాంగ్రెస్ పార్టీ బలపరిచిన అభ్యర్థులను గెలిపించాలని సూచించారు. భీంగల్ టౌన్ అభివృద్ధి కొరకు ఇప్పటికే రూ 54 కోట్లు మంజూరు చేయడం జరిగిందని తెలిపారు.
భీంగల్ ను అభివృద్ధి చేసే బాధ్యత తనదేనని పేర్కొన్నారు. ప్రభుత్వం (Government) చేస్తున్న అభివృద్ధిని చూసి వివిధ పార్టీల నుండి కాంగ్రెస్ లో చేరుతున్నారని పేర్కొన్నారు. గత బీఆర్ఎస్ హయాంలో అభివృద్ధి కి నోచుకోని భీంగల్ మున్సిపల్ ను అభివృద్ధి చేస్తామని పేర్కొన్నారు. ఇప్పటికే వివిధ గ్రాంటుల కింద రూ 54 కోట్లు మంజూరు చేసిందని భవిష్యత్తులో మరిన్ని నిధులు సాధిస్తామని భరోసా కల్పించారు. ఈ కార్యక్రమంలో పట్టణ అధ్యక్షులు జేజే నర్సయ్య, కన్నె సురేందర్, నల్లూరి శ్రీనివాస్, సతీష్, దినేష్, తదితరులు ఉన్నారు.
