Gas cylinders | 30సిలిండర్లతో…

Gas cylinders | 30సిలిండర్లతో…

Gas cylinders | ఆంధ్రప్రభ, వెబ్ డెస్క్ : విశాఖపట్నంలో గ్యాస్ సిలిండర్ల దొంగతనం ఘటన కలకలం రేపింది. డెలివరీ బాయ్ చేసిన మోసం వెలుగులోకి రావడంతో పోలీసులు దర్యాప్తు ప్రారంభించారు.

ఆంధ్రప్రదేశ్‌లోని విశాఖపట్నంలో గ్యాస్ సిలిండర్ల డెలివరీకి బాధ్యత వహిస్తున్న వ్యక్తి భారీగా సిలిండర్లతో పరారైన ఘటన వెలుగులోకి వచ్చింది. చిన్నగంట్యాడ ప్రాంతంలోని గ్యాస్ ఏజెన్సీలో పనిచేస్తున్న అప్పారావు సుమారు 30 సిలిండర్లను తీసుకుని కనిపించకుండా పోయాడు.

కస్టమర్లకు డెలివరీ ఇవ్వకముందే వారి నుంచి OTPలను సేకరించి, వాటిని దుర్వినియోగం చేసి ఈ చర్యకు పాల్పడినట్లు సమాచారం. విషయం తెలుసుకున్న గ్యాస్ ఏజెన్సీ యాజమాన్యం గాజువాక పోలీసులకు ఫిర్యాదు చేసింది. ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. నిందితుడిని పట్టుకునేందుకు గాలింపు చర్యలు కొనసాగిస్తున్నారు.