ప‌రుగు తీసిన రైతులు
నర్సంపేట, ఆంధ్రప్రభ : నర్సంపేట పట్టణానికి చెందిన పల్నాటి రవీందర్(Ravinder) వరి పంట పొలాన్ని చూడడానికి వెళ్లడంతో పొలంలో పడుకున్న భారీ మొసలిని చూసి పరుగులు తీశారు. ముసలి కదలకుండా పడుకోవడంతో అడుగులో అడుగు వేస్తూ మొసలి పడుకునే స్థలాన్ని వెళ్లి ఫోటోలు(photos) తీసినట్లు పల్నాటి రవీందర్ తెలిపారు. ఖానాపురం మండలంలోని కొత్తూరు(Kothur) గ్రామంలో తన పొలం ఉండడంతో పొలాన్ని చూడడానికి ఈ రోజు మధ్యాహ్నం వెళ్ళినట్లు తెలిపారు.
ఇది ఇలా ఉండగా ఇటీవల కురిసిన భారీ వర్షాలకు గోదావరి నీటిలో కొట్టుకు వచ్చిన భారీ మొసళ్ళు(Crocodiles) పాకాల సరస్సులో చేరి అక్కడ నుండి వచ్చిన సరస్సు మత్తడి, కాలువల ద్వారా పంట పొలాలకు వచ్చినట్లు పలువురు ఆందోళన వ్యక్తం చేస్తున్నారు. పంట పొలాల్లో ఒంటరిగా రైతులు కానీ, నీరటి గాళ్లు గాని తిరుగలేని పరిస్థితి ఉందని వారు భయాందోళన వ్యక్తం చేస్తున్నారు. పంట పొలాలలో మొసళ్ళు కనిపిస్తే వెంటనే పోలీసుల(Police)కు గాని, ఫారెస్ట్ అధికారులకు గానీ సమాచారం అందించాలని ఫారెస్ట్ అధికారులు పిలుపు నిచ్చారు.
