ఈవీఎం గోదాం తనిఖీ..
బాపట్ల టౌన్, ఆంధ్రప్రభ : జిల్లాకు సంబంధించి ఎలక్ట్రానిక్ ఓటింగ్ యంత్రాలు(Electronic voting machines) భద్రపరిచిన గోదాము రాజకీయ నాయకులతో కలిసి కలెక్టర్ వినోద్ కుమార్(Vinod Kumar) తనిఖీ చేశారు. 24×7 పటిష్టమైన భద్రత ఉంటుందని ఎటువంటి అపోహాలు వద్దని రాజకీయ నాయకులకు చెప్పారు. ఈ రోజు జిల్లా రెవెన్యూ అధికారి ఇన్చార్జ్, జాయింట్ కలెక్టర్ గంగాధర్ గౌడ్(Gangadhar Goud), వివిధ రాజకీయ పార్టీల నాయకులతో కలసి స్థానిక మార్కెట్ యాడ్ ఆవరణలో గోదాములో భద్రపరిచిన ఈవీఎం(EVM)లను కలెక్టర్ పరిశీలించారు.
కేంద్ర ఎన్నికల సంఘం ఆదేశాల మేరకు ప్రతి మూడు నెలలకు ఒకసారి గుర్తింపు పొందిన రాజకీయ పార్టీ నాయకులతో కలసి జిల్లా కలెక్టర్ ఈవీఎంల గోదాములను తనిఖీ(Inspection) చేయవలసి ఉంటుందని తెలిపారు. ఈ సందర్భంగా రాజకీయ పార్టీల నాయకుల సమక్షంలో గోదామును ఓపెన్(Open) చేసి భద్రపరిచిన ఈవీఎం ప‌త్రాలు, వివి ప్యాట్లను క్షుణ్ణంగా పరిశీలన చేసిన అనంతరం మళ్లీ రాజకీయ పార్టీ నాయకుల సమక్షంలో ఈవీఎం గోదామును సీలు వేశారు.
బాపట్ల ఆర్డిఓ పీ. గ్లోరియా, తహసిల్దార్ సలీమా, కలెక్టరేట్ డి సెక్షన్ ఎలక్షన్ పర్యవేక్షకుఉ సఫి అహ్మద్, ఎలక్షన్ డీటీ శ్రీనివాసులు(Election DT Srinivasulu), ఎలక్షన్ సెల్ ఉద్యోగులు ప్రశాంత్, దుర్గ, బీజీపీ జిల్లా జనరల్ సెక్రెటరీ కొట్ర వెంకట రామకృష్ణ, బీఎస్పీ సీపీఎం, టీడీపీ, వైసీపీ, ఆమ్ ఆద్మీ, జనసేన, తదితర రిజిస్టర్ పార్టీ నాయకులు పాల్గొన్నారు.
