Awareness | కాన్సర్‌పై అవగాహన ర్యాలీ
Awareness | కర్నూలు, ఆంధ్రప్రభ : రోటరీ క్లబ్ ఆఫ్ గ్రేటర్ కర్నూల్, ఇన్నర్ వీల్ క్లబ్ డాక్టర్ వాసురెడ్డి, కాన్సర్ స్పెషలిస్ట్ (Cancer specialist) సౌజన్యంతో రాజ్ విహార్ సెంటర్ నుంచి కలెక్టరేట్ వరకు ఆదివారం కాన్సర్‌పై అవగాహన ర్యాలీ నిర్వహించారు. కలెక్టరేట్ దగ్గర డాక్టర్ వాసురెడ్డి మాట్లాడుతూ కాన్సర్ నివారణకు వయసుతో సంబంధం లేకుండా వ్యాక్సిన్ వేసుకోవాలని, సరైన ఆహారపు అలవాట్లు ఉండాలని చెప్పారు. పాస్ట్ రోటరీ అసిస్టెంట్ టీ. ఎస్. విజయకుమార్ మాట్లాడుతూ.. డాక్టర్ దగ్గర సలహాలను పాటిస్తే కాన్సర్ బారి నుంచి తప్పించుకోవచ్చ‌న్నారు. రోటరీ ప్రెసిడెంట్ వి.ఎన్. ప్రసాద్‌గుప్తా మాట్లాడుతూ.. డాక్టర్ సలహాలు పాటించి కాన్సర్ బారిన ప‌డ‌కుండా ఉండాల‌న్నారు. సూగురు వెంకటేశ్వర్లు మాట్లాడుతూ ఆర్గానిక్ ఆహారం తీసుకుంటూ డాక్టర్ సలహాలు పాటించాలన్నారు.
ఈ కార్యక్రమంలో రోటరీ క్లబ్ తరపున జిల్లా కార్యదర్శి వాసురెడ్డి, పాస్ట్ అసిస్టెంట్ గవర్నర్ టీఎస్. విజయకుమార్, ప్రెసిడెంట్ (President) ప్రసాద్ గుప్తా, వైస్ ప్రెసిడెంట్ కెవి. అనిల్‌కుమార్, కార్యదర్శి డికెఎస్ ప్రకాష్ రావు, సిఎస్ఆర్‌ గ్రాంట్స్ మేనేజ్మెంట్ సూగూరు వెంకటేశ్వర్లు, గెస్ట్ రాయపాటి శ్రీనివాస రావు, ఇన్నెరవీల్ క్లబ్ ప్రెసిడెంట్ పద్మశ్రీ, కార్యదర్శి రమ్యశ్రీ పాల్గొన్నారు.
