HYD | వాస్కులర్, డయాబెటిక్ ఫుట్ కేర్పై అవగాహన
HYD | వాస్కులర్, డయాబెటిక్ ఫుట్ కేర్పై అవగాహన
- రెనోవా సెంచరీ హాస్పిటల్స్ ఆధ్వర్యంలో బైక్ ర్యాలీ
- – 100 హార్లే డేవిడ్సన్ బైక్లతో ర్యాలీ
బంజారా హిల్స్, ఆంధ్రప్రభ : ప్రపంచ మధుమేహ దినోత్సవం సందర్భంగా, రెనోవా సెంచరీ హాస్పిటల్స్, హార్లే-డేవిడ్సన్ బంజారా చాప్టర్ కలిసి… బంజారా హిల్స్లో “కేర్ ఫర్ యువర్ లెగ్స్” అనే ప్రత్యేక అవగాహన బైక్ ర్యాలీని నిర్వహించారు.
వాస్కులర్, డయాబెటిక్ ఫుట్ కేర్ ప్రాముఖ్యతను ప్రజల్లోకి తీసుకెళ్లడం ఈ ర్యాలీ ప్రధాన ఉద్దేశ్యం.. ఈ కార్యక్రమంలో ప్రజలు, ఫిట్నెస్ ఔత్సాహికులు, మాసబ్ ట్యాంక్ పోలీసులు సహా వందలాది మంది ఉత్సాహంగా పాల్గొన్నారు.
ఫిట్నెస్, ముందస్తు స్క్రీనింగ్, నివారణ ఆరోగ్య సంరక్షణ ప్రాముఖ్యతను ప్రజల్లోకి తీసుకెళ్లేందుకు అందరూ కలిసికట్టుగా ర్యాలీలో భాగమయ్యారు. ఈ బైక్ ర్యాలీ బంజారాహిల్స్లోని రెనోవా సెంచరీ హాస్పిటల్స్ నుండి ప్రారంభమై ఖాజాగూడ రోడ్డు వరకు కొనసాగింది.
ఈ సందర్భంగా రెనోవా సెంచరీ హాస్పిటల్స్ సీనియర్ కన్సల్టెంట్ వాస్కులర్ & ఎండోవాస్కులర్ సర్జన్, హెచ్ఓడి డాక్టర్ ప్రీతి శర్మ మాట్లాడుతూ… డయాబెటిక్ పాద సమస్యల వల్ల జరిగే ఐదేళ్ల మరణాలు, ప్రత్యక్ష ఖర్చు క్యాన్సర్తో పోల్చదగినవని తెలిపారు. ప్రస్తుతం మనం అవగాహన రైడ్ చేస్తున్న ఈ సమయంలో, ప్రపంచంలో ఎక్కడో ఒకచోట ఒకరు కాలును కోల్పోతున్నారు. ఎందుకంటే గణాంకాల ప్రకారం ప్రతి 20 సెకన్లకూ డయాబెటిస్ కారణంగా ఒక లోవర్ లింబ్ ఆమ్పుటేషన్ జరుగుతోంది.. ఈ మహమ్మారిని ఎదుర్కొనేందుకు నివారణ, ముందస్తు రోగ నిర్ధారణ ఉత్తమ మార్గాలు. శరీరం ఏమి చెబుతుందో వినండి, గమనించండి. నిరంతర కాళ్ల నొప్పి, కాళ్ల వాపు, కాళ్ల రంగు మారడం, పూతలు వంటి ముందస్తు హెచ్చరిక సంకేతాలను విస్మరించవద్దు. రెనోవా సెంచరీ హాస్పిటల్స్లో ప్రత్యేకమైన మల్టీ-డిసిప్లినరీ డయాబెటిక్ ఫుట్ క్లినిక్ను ఏర్పాటు చేసి, మధుమేహ పాద సమస్యల చికిత్సకు సమగ్ర సంరక్షణ అందిస్తున్నామని’’ డా.ప్రీతి శర్మ తెలిపారు.
ఈ కార్యక్రమంలో డా. సయ్యద్ అమీర్ బాషా పాస్పాల (క్లినికల్ డైరెక్టర్ – న్యూరోసర్జరీ & న్యూరోమోడ్యులేషన్), డా. కె. కృష్ణ ప్రభాకర్ (డైరెక్టర్, ఇంటర్నల్ మెడిసిన్), రెనోవా గ్రూప్ ఆఫ్ హాస్పిటల్స్ COO రవీంద్రనాథ్ గరగ, సెంటర్ హెడ్ డా. వారిస్, మెడికల్ సర్వీసెస్ వైస్ ప్రెసిడెంట్ డా. షరీఫ్ సహా పలువురు వైద్యులు, నర్సింగ్, పారా–మెడికల్, అడ్మినిస్ట్రేటివ్ సిబ్బంది పాల్గొన్నారు. అలాగే హార్లే–డేవిడ్సన్ బంజారా చాప్టర్ ప్రతినిధులు కూడా ఈ కార్యక్రమానికి హాజరయ్యారు.
