ప్ర‌జ‌ల వ‌ద్ద‌కు బీఆర్ఎస్ మోసాలు
భూపాలపల్లి, ఆంధ్రప్రభ ప్రతినిధి : గత బీఆర్ఎస్(BRS) పాలనలో ప్రజలను మోసం చేశారని, ఇప్పుడు బీఆర్ఎస్ పార్టీ నాయకులు గ్రామాలలో తిరుగుతూ కాంగ్రెస్ బాకీ కార్డు(Congress dues card) అంటూ దుష్ప్రచారం చేయడం సిగ్గుచేట‌ని భూపాలపల్లి ఎమ్మెల్యే గండ్ర సత్యనారాయణ రావు(Gandra Satyanarayana Rao) మండిపడ్డారు. సోమవారం భూపాలపల్లి కాంగ్రెస్ పార్టీ కార్యాలయంలో ఏర్పాటు చేసిన ప్రెస్ మీట్‌లో గత బీ.ఆర్.ఎస్ ప్రభుత్వం చేసిన మోసాలను వెల్లడించారు.
గత బీఆర్ఎస్ ప్రభుత్వంలో బీసీ రిజర్వేషన్ల(BC Reservations)ను 34 శాతం నుండి 23 శాతానికి కుదించి బీసీలను డోకా చేసిందని, వరి వేస్తే ఉరి అని రైతులను భయపెట్టి తన ఫామ్ హౌస్‌(Farm House)లో మాత్రం కేసీఆర్ వరి పంటను పండించి రైతులను డోకా చేశారు. 317 జీవోను తెచ్చి ఉద్యోగుల జీవితాలతో ఆడుకుని ఉద్యోగులకు 20వ తేదీ వరకు జీతాలు ఇవ్వలేని స్థితికి రాష్ట్ర ఆర్థిక పరిస్థితిని తీసుకువచ్చిన ఘనత గత బీఆర్ఎస్ ప్రభుత్వానిదే అన్నారు.
నిరుపేదలకు డబుల్ బెడ్ రూమ్(Double Bedroom) అందివ్వలేదని ఇలా అనేక మోసాలు చేసిందని తెలిపారు. అనంతరం బీఆర్ఎస్ డోకా కార్డును విడుదల చేశారు. ఈ సమావేశంలో ఎమ్మెల్యే(MLA) వెంట కాంగ్రెస్ పార్టీ నాయకులు పాల్గొన్నారు.
