Voters | గోపాల్ పూర్ ను అభివృద్ధి చేసే అవకాశమివ్వండి
- ప్రచారంలో దూసుకుపోతున్న సర్పంచ్ అభ్యర్థి మామిడాల సౌజన్య అశోక్
- అడుగడుగునా ప్రజల నీరాజనం
- విజయం నీదేనంటూ దీవెనలు
Voters | కమలాపూర్, ఆంధ్రప్రభ : హనుమకొండ జిల్లా కమలాపూర్ మండలంలోని గోపాల్ పూర్ గ్రామంలో కాంగ్రెస్ (Congress) పార్టీ బలపరిచిన సర్పంచ్ అభ్యర్థి మామిడాల సౌజన్య అశోక్ ఒక్కసారి అవకాశం కల్పిస్తే గ్రామాన్ని అభివృద్ధి పథంలో ముందుకు తీసుకెళ్తానంటూ ప్రచారాన్ని ముమ్మరం చేశారు.
కడప కడపకు కాంగ్రెస్ పథకాలను ప్రచారం చేస్తూ తన కత్తెర గుర్తుకు ఓటు వేసి భారీ మెజార్టీతో గెలిపించాలని ఓటర్లను (Voters) అభ్యర్థిస్తూ ప్రచారంలో దూసుకుపోతున్నారు. ఈ ప్రచార కార్యక్రమంలో సౌజన్య అశోక్ కు గ్రామ ఓటర్లు అడుగడుగునా నీరాజనం పలుకుతూ విజయం నీదేనంటూ దీవెనలు ఇస్తున్నారు. బీసీ వర్గానికి చెందిన సౌజన్య విద్యావంతురాలిగా గ్రామ సమస్యల పట్ల అవగాహన ఉందని సర్పంచ్ గా తనను గెలిపిస్తే ప్రజలకు కావాల్సిన మౌలిక సదుపాయాల పట్ల ప్రత్యేక శ్రద్ధ కనబరిచి, గ్రామంలో మురికి కాల్వల, సీసీ రోడ్ల నిర్మాణాలను పూర్తి చేసి గోపాల్ పూర్ గ్రామాన్ని అభివృద్ధి పథంలో ముందుంచుతానని ఓటర్లకు హామీ ఇస్తున్నారు.
