ఇది మనోభావాలను దెబ్బతీసే ప్ర‌య‌త్నం..
తిర్యాణి, ఆంధ్రప్రభ : ప్రధాన్ తెగపై అనుచిత వ్యాఖ్యలు చేసిన మంగి పాతగూడకు చెందిన వెడ్మ వెంకటేష్(Vedma Venkatesh)పై కఠిన చర్యలు తీసుకోవాలని హీరా సుఖ జన్ జాతి ఉత్తన్ సంఘటన్(Heera Sukha Jan Jati Uttan Sangathan) మండల అధ్యక్షుడు కోర్వేత సాగర్ అన్నారు. రొంపల్లి పంచాయతీలోని రాంచందర్ గూడలో ఏర్పాటు చేసిన విలేకరుల సమావేశంలో ఆయన మాట్లాడుతూ.. వెంకటేష్ సామాజిక మాధ్యమాలైన ఫేస్‌బుక్, ఇన్‌స్టాగ్రామ్‌లలో వీడియోలు పోస్ట్ చేసి ప్రధాన్ తెగపై అసభ్యకర వ్యాఖ్యలు చేశాడని తీవ్ర అభ్యంతరం వ్యక్తం చేశారు.
ఒక ఆదివాసి తెగకు చెందిన వ్యక్తి, మరొక ఆదివాసి తెగపై ఇలాంటి అవమానకర వ్యాఖ్యలు చేయడం దారుణమని, ఇది మా తెగను లక్ష్యంగా తీసుకుని మనోభావాలను దెబ్బతీసే ప్రయత్నమని ఆయన ఆవేదన వ్యక్తం చేశారు. ప్రధాన్ తెగ(Pradhan Tribe)పై అవమానకర వ్యాఖ్యలు చేసే హక్కు ఎవరికీ లేదని పేర్కొన్నారు. వెంటనే సంబంధిత అధికారులు(Officials చర్యలు తీసుకోవాలని ఆయన ప్రభుత్వాన్ని కోరారు. తమ తెగ గౌరవాన్ని కాపాడే విధంగా శాఖాపరంగా చర్యలు తీసుకోవాలని, ఇటువంటి వ్యవహారాలను ఉపేక్షించకూడదని హెచ్చరించారు.
వెంకటేష్ పై చర్యలు చేపట్టని యెడల సంఘటితంగా దీని పై పోరాటం చేస్తామని ఆయన స్పష్టం చేశారు. ఈ కార్యక్రమంలో హీరా సుఖ జన్ జాతి ఉత్తన్ సంఘటన్ మండల ఉపాధ్యక్షుడు కోర్వేత నాందేవ్, రాయి సిడం కుమార్, ప్రచార కార్యదర్శి మెస్రం మధుకర్, ప్రధాన కార్యదర్శి మడావి రమేష్, నాయకులు పంద్ర లాలు, మెస్రం వాసు దేవ్, అర్క లక్ష్మణ్, పెందోర్ దయాకర్, కోర్వేత రవి, కోర్వేత వెంకటేష్, కోర్వేత గణపతి, కొడప గుణవంత్ రావు,తదితరులు పాల్గొన్నారు.
