కర్నూలుకు పయనం
నంద్యాల జిల్లా నుంచి 380 బస్సులు రయ్ రయ్
( నంద్యాల, ఆంధ్రప్రభ బ్యూరో) : దేశ ప్రధానమంత్రి నరేంద్ర మోడీ (Narendra Modi) సభకు నంద్యాల, కర్నూలు జిల్లాల ఆడపడుచులు బయలు దేరారు. ప్రత్యేక బస్సుల్లో కర్నూలుకు వస్తున్నారు. నంద్యాల జిల్లాలోని శ్రీశైలం, ఆళ్లగడ్డ, నంద్యాల, డోను, బనగానపల్లె, పాణ్యం, నందికొట్కూర్ నియోజకవర్గాల వేలాదిగా మహిళలు బయలు దేరారు.
నంద్యాల జిల్లా (Nandyal district) నుంచి 380 బస్సుల ద్వారా సభా ప్రాంగణానికి చేరుతున్నారు. జిల్లాలోని మంత్రులు బీసీ జనార్దన్ రెడ్డి, ఎన్ఎండి ఫరూక్, ఎమ్మెల్యేలు భూమా అఖిలప్రియ, బుడ్డ రాజశేఖర్ రెడ్డి, గౌరు చరిత రెడ్డి, కోట్ల జయసూర్య ప్రకాశ్ రెడ్డి, గిత్త జయ సూర్య, నంద్యాల ఎంపీ బైరెడ్డి శబరి, టీడీపీ ప్రధాన కార్యదర్శి ఎన్. ఎం.డి. ఫిరోజ్, వివిధ కార్పొరేషన్ల చైర్మన్లు, డైరెక్టర్లు మన్నేం ధర్మవరం సుబ్బారెడ్డి, తాతి రెడ్డి తులసిరెడ్డి ఆధ్వర్యంలో ప్రత్యేక బస్సులను ఏర్పాటు చేశారు.
ఈ బస్సుల్లో మహిళలు సంఖ్యలో బయలు దేరారు. జిల్లాలోని 411 గ్రామ పంచాయతీల నుంచి బస్సులను ఏర్పాటు చేశారు. ప్రతి బస్సుకు ఒక కోఆర్డినేటర్ను నియమించారు. బస్సులోని మహిళలకు, యువకులకు భోజనం, తాగునీటి సదుపాయాన్ని కూడా కల్పించారు. సభా ప్రాంగణంలో కూడా ఎవరికి ఎలాంటి ఇబ్బంది కలగకుండా ప్రభుత్వం అన్ని చర్యలను సదుపాయాలను కల్పించి ఇలాంటి లోటుపాట్లు లేకుండా చూసుకునేందుకు ప్రత్యేక కమిటీలను నియమించిన విషయం విధితమే. విశేఆర్టీసీ అధికారులు మాట్లాడుతూ… ఈ ఒక్క రోజు ప్రజలు సమయనం పాటించాలని, ప్రధానమంత్రి నరేంద్ర మోడీ రాకతో కొన్ని బస్సులను తరలించామన్నారు. ప్రజలకు ఇబ్బంది లేకుండా ముఖ్యమైన రోడ్లలో ఆర్టీసీ బస్సులను ఏర్పాటు చేశామన్నారు.
