- స్కిల్ డెవలప్‌మెంట్ యూనివర్సిటీపై చర్చ
- నైపుణ్యాభివృద్ధికి కేంద్ర సహకారం
హైదరాబాద్ : తెలంగాణ ముఖ్యమంత్రి రేవంత్ రెడ్డి, కేంద్ర నైపుణ్యాభివృద్ధి శాఖ మంత్రి జయంత్ చౌదరీ మధ్య (ఆదివారం) హైదరాబాద్‌లోని జూబ్లీహిల్స్ సీఎం నివాసంలో ప్రత్యేక సమావేశం జరిగింది. ఈ భేటీ ప్రధానంగా రాష్ట్రంలోని నైపుణ్యాభివృద్ధి కార్యక్రమాలపై దృష్టిసారించింది.
స్కిల్ డెవలప్‌మెంట్ యూనివర్సిటీపై ముఖ్యంగా చర్చ
ఈ సందర్భంగా సీఎం రేవంత్ రెడ్డి, రాష్ట్రంలో ప్రతిపాదిత స్కిల్ డెవలప్‌మెంట్ యూనివర్సిటీ ప్రాజెక్టును మంత్రి జయంత్ చౌదరీకు వివరించారు. యువతకు ప్రాధాన్యమిచ్చే విధంగా నైపుణ్య శిక్షణా కేంద్రాలు, పరిశ్రమల అవసరాలకు అనుగుణంగా కోర్సుల రూపకల్పన వంటి అంశాలపై వివరించారు. కేంద్ర మంత్రి జయంత్ చౌదరీ ఈ ప్రతిపాదనను సానుకూలంగా సమీక్షించారు.
కేంద్రం నుంచి పూర్తి సహకారం : జయంత్ చౌదరీ
రాష్ట్ర ప్రభుత్వ విధానాలను, యువత సామర్థ్యాన్ని పెంపొందించే దిశగా తీసుకుంటున్న తెలంగాణ ప్ర‌భుత్వం తీసుకుంటున్న చర్యలను అభినందనీయం అని కొనియాడారు. కేంద్రం అమలు చేస్తున్న పథకాలు – మిషన్ కౌశల్ వికాస్ యోజన, పీఎం విషన్ స్కీమ్ లాంటి కార్యక్రమాలకు తెలంగాణలో వేగవంతమైన అమలుకు సహకారం అందిస్తామని హామీ ఇచ్చారు.
అలాగే, రాష్ట్రానికి ప్రత్యేక నిధుల మంజూరు, పబ్లిక్ ప్రైవేట్ పార్ట్‌నర్‌షిప్ ద్వారా స్కిల్ సెంటర్ల అభివృద్ధి, ఉద్యోగ అవకాశాల సృష్టి వంటి అంశాలపై కూడా చర్చలు జరిపినట్టు తెలుస్తోంది.
సీఎం రేవంత్ రెడ్డి ట్వీట్
ఈ భేటీ అనంతరం సీఎం రేవంత్ రెడ్డి తన అధికారిక ట్విట్టర్ అకౌంట్‌లో స్పందిస్తూ, కేంద్ర మంత్రి జయంత్ చౌదరీతో సమావేశం చాలా సానుకూలంగా జరిగిందని తెలిపారు. స్కిల్ డెవలప్‌మెంట్ రంగంలో తెలంగాణ చేస్తున్న ప్రయత్నాలకు కేంద్ర మంత్రి పూర్తి మద్దతు తెలిపినట్టు ఆయన పేర్కొన్నారు.
