నిజామాబాద్ ప్రతినిధి జూన్ (ఆంధ్రప్రభ)29: జాతీయ పసుపు బోర్డు కార్యాలయం ప్రారంభం నిమిత్తం ఆదివారం మధ్యాహ్నం కేంద్ర హోం మంత్రి అమిత్ షా నిజామాబాద్‌లో పర్యటించనున్నారు. ఈ నేపథ్యంలో ఉమ్మడి జిల్లా వ్యాప్తంగా వివిధ పార్టీ నాయకులను పోలీసులు ముందస్తు అరెస్టులు చేశారు. కమ్యూనిస్టు నేతలతోపాటు పలువురిని అర్ధరాత్రి నుంచి అదుపులోకి తీసుకున్నారు. అమిత్ షా వస్తుండటంతో ఆందోళనలు చేసే అవకాశం ఉంద‌ని కారణం చూపుతూ గృహనిర్బంధాలు చేస్తున్నారు.
ప్రొటోకాల్‌ ఉల్లంఘన..
జాతీయ పసుపు బోర్డు కార్యాలయ ప్రారంభోత్సవ ఆహ్వాన పత్రికలో ప్రధాని మోదీ, అమిత్ షా ఫొటోలు ఉంచారు. ముఖ్యఅతిథిగా అమిత్ షాతో పాటు కేంద్ర మంత్రులు కిషన్‌రెడ్డి, బండి సంజయ్‌, సీఎం రేవంత్‌రెడ్డి, పసుపుబోర్డు చైర్మన్‌ పల్లె గంగారెడ్డి పేర్లను ముద్రించారు. ఉమ్మడి జిల్లా ఇన్‌చార్జి మంత్రి సీతక్క, రాజ్యసభ సభ్యుడు కేఆర్‌ సురేశ్‌రెడ్డి, నిజామాబాద్ జిల్లా ఎమ్మెల్యేలు, ఎమ్మెల్సీల పేర్లు అందులో లేవు. ప్రభుత్వ సలహాదారులకు కూడా చోటుఇవ్వలేదు
ప్రారంభోత్సవానికి ముస్తాబైన పసుపు బోర్డు కార్యాలయం
ఎన్నో దశాబ్దాలుగా ఎదురుచూస్తున్న రైతుల కల సాకారం కానుంది. నిజామాబాద్ జిల్లాలో జాతీయ పసుపు బోర్డు కార్యా లయం కేంద్ర మంత్రి అమిత్ షా చేతుల మీద ప్రారంభోత్సవానికి ముస్తా బయింది. నేడు కేంద్ర మంత్రి జిల్లా పర్యటన సంద ర్భంగా భారీ ఏర్పాట్లు చేశారు.
ముస్తాబైన రైతు సమ్మేళన వేదిక.
నగరంలోని పాలిటెక్నిక్ కళాశాల మైదానంలో నిర్వహించే రైతు సమ్మేళన బహిరంగ సభ వేదిక ము స్తాబయింది. మధ్యాహ్నం ఈ రైతు సమ్మేళనంలో కేంద్రమంత్రి అమిత్ షా పాల్గొనున్నారు
