SWATHI | మరోసారి అవకాశం ఇవ్వండి..
- గ్రామాన్ని మరింత అభివృద్ధి చేస్తా..
- కాంగ్రెస్ బలపర్చిన సర్పంచ్ అభ్యర్థి గోవింద్ గౌడ్
SWATHI | ఊట్కూర్, ఆంధ్రప్రభ : నూతనంగా ఏర్పడిన గ్రామపంచాయతీలో మొదటిసారి జరుగుతున్న ఎన్నికల్లో తన భార్య స్వాతికి అవకాశం ఇచ్చి గెలిపించారని, మరోసారి తనకు అవకాశం కల్పిస్తే మంత్రి సహకారంతో మరింత అభివృద్ధి చేసి చూపిస్తానని నాగిరెడ్డిపల్లి కాంగ్రెస్ సర్పంచ్ అభ్యర్థి గోవింద్గౌడ్ అన్నారు.
శుక్రవారం ఆయన గ్రామంలో ఇంటింటి ప్రచారం చేపట్టారు. ఈ సందర్భంగా మాట్లాడుతూ.. గ్రామంలో నెలకొన్న వివిధ సమస్యలు పరిష్కరించేందుకు శక్తి వంచన లేకుండా కృషి చేస్తానన్నారు. నిరుపేదలకు ప్రభుత్వ సంక్షేమ పథకాలు మంజూరు చేయించే బాధ్యత తీసుకుంటానన్నారు. మంత్రి డాక్టర్ వాకిటి శ్రీహరి సహకారంతో గ్రామాన్ని ఆదర్శ గ్రామంగా తీర్చిదిద్దుతామని అన్నారు. ఆదరించి ఓటు వేసి గెలిపిస్తే నాగిరెడ్డిపల్లిగ్రామ రూపురేఖలు మారుస్తామని అన్నారు. ఈ కార్యక్రమంలో మాజీ సర్పంచ్ స్వాతిగౌడ్, వార్డు అభ్యర్థులు, నాయకులు తదితరులు పాల్గొన్నారు.
