Nomination | నామినేషన్ పత్రంతో పాటు డిపాజిట్…
Nomination | కమలాపూర్, ఆంధ్ర‌ప్ర‌భ : నామినేషన్ పత్రంతో పాటు డిపాజిట్ మొత్తాన్ని ఇస్తే సరిపోతుందని, మిగతా ధ్రువీకరణ పత్రాల(Certification documents) సమర్పణకు రాష్ట్ర ఎన్నికల సంఘం రెండు రోజుల సమయాన్ని కేటాయించిందని ఎంపీడీవో గుండె బాబు(MPDO Gunde Babu) తెలిపారు. రాష్ట్రవ్యాప్తంగా ఈసారి గ్రామపంచాయతీ ఎన్నికలకు నామినేషన్ల సంఖ్య గణనీయంగా తగ్గిపోవడంతో ఎన్నికల సంఘం ఈ నిర్ణయం తీసుకున్నట్లు పేర్కొన్నారు.
మొదటి విడతలో భాగంగా ఈరోజు నామినేషన్ల సమర్పణకు చివరి రోజు కావడంతో ఎన్నికల సంఘం తక్షణమే ఈ వెసులుబాటును కల్పించిందని పోటీ చేయడానికి సిద్ధంగా ఉండి తగిన ధ్రువీకరణ పత్రాలు సిద్ధంగా లేనివారు ఉత్సాహంగా ఈరోజు సాయంత్రం ఐదు గంటలలోపు నామినేషన్ కేంద్రాల(Nomination Centres) వద్దకు వచ్చి కేవలం నామినేషన్ పత్రంతో పాటు డిపాజిట్ మొత్తాన్ని చెల్లిస్తే సరిపోతుందని ఆయన వివరించారు.
సర్పంచ్, వార్డు పదవులకు పోటీపడే ఆశావాహులు తక్షణమే ఈ అవకాశాన్ని సద్వినియోగం చేసుకొని నామినేషన్ కేంద్రాల వద్దకు పరుగులు తీసి తమ నామినేషన్ పత్రాలను అధికారులకు సమర్పించాలని ఆయన పిలుపునిచ్చారు.
