Munugode | క్రీడలు మానసిక ఉల్లాసాన్ని కలిగిస్తాయి

Munugode | క్రీడలు మానసిక ఉల్లాసాన్ని కలిగిస్తాయి

• ఎస్సై ఇరుగు రవి

Munugode | మునుగోడు, ఆంధ్రప్రభ : క్రీడలు శారీరక దృఢత్వంతో పాటు మానసిక ఉల్లాసాన్ని కలిగిస్తాయని ఎస్సై ఇరుగు రవి అన్నారు. ఈరోజు నల్లగొండ జిల్లా మునుగోడు మండలం సింగారం గ్రామంలో సంక్రాంతి పండుగ సందర్భంగా మూడు రోజులపాటు జరగనున్న వాలీబాల్, క్రికెట్, ముగ్గుల పోటీలను ప్రాథమికోన్నత పాఠశాల, గ్రామ పంచాయతీ కార్యాలయంలో గ్రామ పెద్దలతో కలిసి ఆయన ప్రారంభించారు. అనంతరం యువతను ఉద్దేశించి మాట్లాడుతూ… యువత చెడు మార్గం వైపు వెళ్లకుండా సన్మార్గంలో పయనిస్తూ ఉన్నత లక్ష్యాలను చేరుకోవాలని పిలుపునిచ్చారు. నూతనంగా ఎన్నికైన ప్రజాప్రతినిధులు అందరి సహకారంతో గ్రామాన్ని అభివృద్ధి పరచాలని సూచించారు. నూతన పాలకవర్గంతో పాటు గ్రామ పెద్దలు ఎస్సై ని సన్మానించారు. ఈ కార్యక్రమంలో ఏఎస్ఐ అభిబుద్దీన్,గ్రామ పోలీస్ అధికారి బి గౌతమ్, పోలీస్ సిబ్బంది, చండూరు మార్కెట్ కమిటీ డైరెక్టర్ కుంభం చెన్నారెడ్డి, గ్రామ ఉప సర్పంచ్ వెంకటేశ్వర్లు, సురేందర్ రెడ్డి, వార్డు సభ్యులు పిట్టల శ్రావణ్, గుర్రాల సురేష్, కోడి అర్జున్, కోడి చంద్రయ్య, క్రీడల నిర్వహణ కోఆర్డినేటర్ సోమగాని నవీన్, నేరటి బాలు, గ్రామ పెద్దలు కుంభం భూపాల్ రెడ్డి, సోమగాని రమేష్, పోగుల ప్రకాష్, పిట్టల రఘు, ఇండ్ల నాగరాజు, పిట్టల వెంకట్ తదితరులు పాల్గొన్నారు.