రెండేళ్ల కిందటి హత్య కేసులో

రెండేళ్ల కిందటి హత్య కేసులో

• ముగ్గురు నిందితులు అరెస్టు
• స్నానం చేసే భార్య వీడిమో తీశాడు
• ఆపై తన వాంఛ తీర్చాలని వేధింపులు
• స్పేహతుల సాయంతో భర్తే చంపేశాడు
• శవాన్నిమాయ చేశాడు
• కానీ పోలీసులు మిస్టరీ ఛేదించారు

శ్రీ సత్యసాయి బ్యూరో , ఆంధ్రప్రభ : ఈ మధ్య మర్డర్ కేసులన్నీ దృశ్యం చిత్రాన్నితలపిస్తున్నాయి. ఏడాది కిందట నంద్యాల జిల్లాలో ముచ్చుమర్రిలో ఓ బాలిక హత్య కేసు… ఇటీవల కడప జిల్లా గండికోట(Gandikota)లో ఇంటర్ విద్యార్థిని హత్య కేసులో.. మీస్టరీలు వీడలేదు. ముచ్చుమర్రి(Muchumarri)లో హతురాలి మృతదేహం జాడ ఇంత వరకూ తెలియలేదు. గండికోట హత్య.. గండికోట రహస్యంగానే మారిపోయింది.

ఇందుకు ప్రధాన కారణం .. ఇవన్నీసాక్ష్యాలు లేని హత్యలే. కానీ హంతకులను పట్టుకోవటం కష్టం కాదు. ప్రతి నేరగాడు.. ఏదోక క్లూ వదిలేస్తాడు. వెంట్రుక వాసిలోని ఈ ఆధారమే కేసు దర్యాప్తులో కీలక పాత్ర పోషిస్తుంది. ఔను ఇది నిజం. మనసు పెట్టి పని చేస్తే.. ఎలాంటి మిస్టరీనైనా.. పోలీసులు చేధించగలరు. ఈ విషయాన్ని శ్రీసత్యసాయి జిల్లా పోలీసులు నిరూపించారు. రెండేళ్ల కిందట జరిగిన హత్య మిస్టరీని తేల్చేశారు.

ఆ దృశ్చం సినిమా చూశారా?

ఔనా.. నిజమా? అని నోరు వెళ్లబెడితే.. అస్సలు బాగోదు. దృశ్యం సినిమా చూశారుగా. కనీసం టీవీల్లోనూ వీక్షించలేదంటే.. అది వేరే కథ. దృశ్యం సినిమాలో ఏమి జరిగిందంటే.. కూతురిని వేధించిన పోకిరిని ఓ తల్లి చంపేసింది. తన కూతుర్ని, భార్యను కాపాడటానికి ఓ వ్యక్తి ఆ మృతదేహాన్నిఒక కారు(Karu)లో తరలించి ఒక క్వారీలోకి, కారుతో సహా తోసేస్తాడు. ఈ కేసు మిస్టరీని ఛేదించటానికి ఆ పోకిరీ తల్లి ఏసీపీ రంగంలోకి దిగుతుంది. ఎన్నోఆధారాల కోసం వేటాడుతుంది, కానీ ఒక్క ఆధారమూ ఆమెకు సహకరించవు. ఇదీ సినిమా ఇతి వృత్తం.

కానీ ఈ సినిమా ట్విస్ట్ వేరబ్బా..

తన స్పేహితుడి భార్య స్నానం చేస్తుంటే ఓ యువకుడు ఫోటోలు, వీడియోలు తీశాడు. ఛాన్స్ దొరికిందని గంతులేశాడు. తన కోరిక తీర్చాలని, లేదో వీడిమో వైరల్ చేస్తానని విలన్ డైలాగ్స్ దంచాడు. ఖాళీ దొరికినప్పుడల్లా ఆ ఇల్లాలికి ఫోన్ చేశాడు. ఇదిగో వస్తున్నా.. అదిగో వచ్చేస్తున్నా అంటూ మారం చేశాడు. ఇక ఆమె భరించలేకపోయింది. వీడి పీడను వదిలించుకోవాలని నిర్ఱయం తీసుకుంది. తన భర్తకు అసలు కథ చెప్పేసింది.

ఇక మర్డర్ ప్లాన్

అతగాడిని ఎలాగైనా హత్య చేయాలని.. ఇద్దరు స్నేహితుల సహకారం తీసుకున్నాడు. పక్కా ప్లాన్ గీశాడు. కడకు తన విరోధి మృతదేహాన్నిమాయం చేశాడు. రెండేళ్లుగా.. ఈ సస్పెన్స్ కథ ప్లాట్ గా సాగింది. కానీ ఈ పెండింగ్ కేసును పోలీసులు తిరగతోడటంతో.. అసలు కథ వెలుగులోకి వచ్చింది. శ్రీసత్యసాయి జిల్లా కదిరి డీఎస్పీ జే శివ నారాయణ స్వామి(DSP J Siva Narayana Swamy), కదిరి రూరల్ సీఐ నాగేంద్ర తెలిపిన వివరాలు ఇలా ఉన్నాయి.

అసలు ఏమి జరిగిందంటే

శ్రీ సత్య సాయి జిల్లా నల్లచెరువు మండలం అలుగుండు(Alugund) గ్రామంలో ఓ వివాహిత బాత్ రూమ్‌లో స్నానం చేస్తోంది. తరచూ ఆ ఇంటికి వచ్చే ఆమె భర్త స్పేహితుడు అమర్నాథ్(Amarnath వీడియోలు, ఫోటోలు తీశాడు. తన నైపుణ్యాన్ని ఆమెకు చూపించాడు. తన కోరిక తీర్చాలని డిమాండ్ చేశాడు. తన కోరిక తీర్చని పక్షంలో ఆ వీడియోలను, ఫోటోలను వైరల్ చేస్తానని, ఊళ్లో అందరికీ చూపిస్తానని బెదిరించాడు.

దీంతో చేసేది లేక ఆమె విషయాన్ని భర్త దాదా పీర్(Dada Peer)కు తెలిపింది. ప్రాణంగా ప్రేమించిన స్నేహితుడే ఇంతటి కీచకుడా అని దాదా పీర్ తట్టుకోలేక పోయాడు. అమర్నాత్‌ను లేపేయాలని నిర్ణయించుకున్నాడు. ఇద్దరు స్నేహితులు మహమ్మద్ యాసిన్(Mohammed Yasin), సాదిక్ భాషా సాయం కోరాడు. అందుకు అంగీకరించారు. ఈ నేపథ్యంలో 2023 జూన్ 10 వ తేదీ రాత్రి మద్యం తాగేందుకు అమర్నాథ్‌ను దాదా పీర్ పిలిచాడు.

ప్లాన్ ప్రకారం మహమ్మద్ యాసీన్ సాదిక్ భాషా ఊరి బయట ఆటోతో సిద్ధంగా ఉన్నారు. నలుగురు కలిసి కదిరి మండలం బాలప్ప గారి పల్లి వద్ద మద్యం సేవించారు. మత్తు లోకి జారుకున్నఅమర్నాథ్ తలపై ముగ్గురు కలిసి బండరాయితో మోదీ చంపేశారు. మృతదేహాన్ని చెర్లోపల్లి రిజర్వాయర్ దగ్గరికి తీసుకువచ్చారు. శవానికి బండరాళ్లను కట్టి చెర్లోపల్లి(Katti Cherlopalli) రిజర్వాయర్లోకి తోసేశారు.

అమర్నాథ్ కుటుంబ సభ్యులు నల్లచెరువు పోలీస్ స్టేషన్లో ఫిర్యాదు చేశారు. పోలీసులు వ్యక్తి మిస్పింగ్(Misping) కేసు కట్టారు. అదే ఏడాది జూలై 26 వ తేదీన కదిరి మండలం చెర్లోపల్లి రిజర్వాయర్లో కుళ్ళిన మృతదేహాన్ని స్థానికులు గుర్తించారు. అనంతరం అమర్నాథ్ బంధువుల తో కలిసి డీఎన్ఏ టెస్టు(DNA Test)కు పంపించారు. దీంతో శవం అమర్నాథ్ ది అని తేల్చారు. అనుమానాస్పద మృతిగా కేసుగా నమోదు చేశారు. పోస్టుమార్టం రిపోర్టు రావటంతో.. ఈ ఘటపన హత్య కేసుగా మారింది. శరీరంపై గాయాలు, ఊపిరితిత్తుల్లో నీరు లేకపోవడంతో “ఇది మునిగి చనిపోవడం కాదు, హత్య!” అని పోలీసులు నిర్ధారించుకున్నారు.

మిప్టరీ వీడిందోచ్

అనుమానాస్పద మృతి, మిస్టరీగా మారిన కేసులపై శ్రీ సత్యసాయి జిల్లా ఎస్పీ ఎన్ సతీష్ కుమార్ ఫోకస్ పెట్టారు. పెండింగ్ లోని కేసులను పరిశీలించారు. క్లూస్ చెక్ చేశారు. అమర్నాథ్ కేసులో ఆధారాలను సేకరించాలని ఎస్పీ ఆదేశించారు. స్పెషల్ టీమ్ రంగంలోకి దిగింది. మొబైల్ టవర్ లొకేషన్లు, స్థానిక సీసీటీవీ ఫుటేజ్‌లు, సాక్షుల కథనాలను భేరీజు వేసుకున్నారు. నిందితులను పోలీసులు(Police) గుర్తించారు.

2025 అక్టోబరు 3వ తేదీన రాత్రి 7.30 గంటలకు అరెస్ట్ చేశారు. “అతను నా భార్య జీవితాన్ని నాశనం చేయాలని చూశాడు, ఇక బతకూడదు” అని షేక్ దాదాపీర్ పోలీసుల విచారణలో చెప్పాడు. ఈ కేసులో దాదా పీర్ మహమ్మద్ యాసీన్ సాదిక్ భాషాను రిమాండ్ కు పంపినట్లు డీ.ఎస్.పీ తెలిపారు. కేసును చేదించిన సీఐలు నాగేంద్ర, నిరంజన్ రెడ్డి నల్ల చెరువు ఎస్ఐలను సిబ్బందిని డీఎస్పీ అభినందించారు.