స్వర్ణ ప్రియులకు సన్నవాత..

ఆంధ్రప్రభ – వెబ్ , బిజినెస్ డెస్క్ : నెలరోజులుగా పసిడి ప్రేమికులను ఊరించిన బులియన్ మార్కెట్ .. పండగ షాక్ ఇచ్చింది. రెండు రోజుల కిందట వరకూ పది గ్రాముల బంగారం ధర కేవలం రూ.10లే పెరిగింది. మధ్య మధ్యలో ధర తగ్గినట్టే తగ్గి అకస్మాత్తుగా పెరిగింది. కానీ రెండు రోజుల నుంచి బంగారు బాబులను బులీష్ వెక్కిరిస్తోంది.

దసరా వేళ బంగారం ధరలు తగ్గుతాయని ఆశించిన కుటుంబాలకు నిరాశ తప్పలేదు. ఈ స్థితిలో బంగారు ఆభరణాల కొనుగోలును వాయిదా వేసుకున్నారు. సెప్టెంబర్ 30, మంగళవారం దేశంలో బంగారం ధరలను పరిశీలిస్తే.. 24 క్యారట్ల గ్రాము Gold ధర ఏకంగా రూ.142 పెరిగి రూ.11,831 లకు చేరింది.

ఇక 22 క్యారట్ల గ్రాము బంగారం ధర 10,845 లు పలికింది. 18 క్యారట్ల గ్రాము బంగారం ధర రూ.8,873 లకు చేరింది. ఇక ఏపీ, తెలంగాణ‌ రాష్ట్రాల్లో బులియన్ మార్కెట్ ఇందుకు భిన్నంగా ఉంది. ఏపీలో సోమవారం సాయంత్రానికి ఒక్క గ్రామ్ బంగారం ధర రూ.60 లు పెరిగింది. ఇక మంగళవారం రాత్రి 7.00 గంటలకు అందిన సమాచారం మేరకు, ఉదయం 10.00 గంటలకు 10 గ్రాముల 24 క్యారట్ల బంగాధర రూ.1,16,410 లు పలుకగా.. రాత్రి ఈ ధర రూ.1,17,440లకు చేరింది.

అంటే.. విజయవాడలో ఈ ఒక్క రోజు రూ.1030లు పెరిగింది. 22 క్యారెట్ల 10 గ్రాముల బంగారం ఉదయం రూ. 1,06, 710లతో ప్రారంభమైన ఈ ధర రూ.1,07,650లకు చేరింది. రూ.940లు పెరిగింది. 18 క్యారెట్ల 10 గ్రాముల ధర రూ.87,310 లు నుంచి 88,080లకు చేరింది. అంటే రూ.770లు పెరిగింది.

ఇక తెలంగాణలో పసిడి ప్రియులే లక్ష్యంగా హైదరాబాద్ బులియన్ మార్కెట్ అడుగులు వేస్తోంది. సోమవారం రాత్రికి గ్రాముకు రూ.141లు పెరిగితే.. మంగళవారం ఉదయానికి రూ.48లు తగ్గింది. 10 గ్రాము 24 క్యారెట్ల బంగారం ధర సోమవారం 1,16,890లు పలికింది.

మంగళవారం ఉదయానికి రూ.1,16,410లకు చేరింది. అంటే రూ.480లు తగ్గింది. మంగళవారం రాత్రికి 24 క్యారెట్ల బంగారం 10 గ్రాముల ధర 1,17,440లకు చేరింది. రూ.1,030లు ధర పెరిగింది. 22 క్యారెట్ల బంగారం 10 గ్రాముల ధర రూ. 1,06,670 ల నుంచి రూ.1,07,650లకు చేరగా ధర రూ.980లు పెరిగింది. 18 క్యారెట్ల బంగారం 10 గ్రాముల ధర రూ.87,300ల నుంచి రూ.88,030లకు చేరింది. ధర రూ.730లు పెరిగింది.