బీఆర్ ఎస్‌పై మాజీ సర్పంచ్ మండిపాటు
కల్వకుర్తి, ఆంధ్రప్రభ : గత బిఆర్ఎస్ పాలనలో కల్వకుర్తి(Kalvakurti) మునిసిపాలిటీలో మాజీ మున్సిపల్ చైర్మన్ ఎడ్మ సత్యం, మాజీ మున్సిపల్ వైస్ చైర్మన్ ఎండి షాహిద్ లు అప్పటి కమిషనర్, టీపీఓ(TPO)లను అడ్డుపెట్టుకొని మున్సిపల్ ఆస్తులను భారీగా కొల్లగొట్టారని కాంగ్రెస్ పార్టీ నాయకులు, కల్వకుర్తి మాజీ సర్పంచ్ బృంగి ఆనంద్ కుమార్ ఆరోపించారు. ఆదివారం పట్టణంలోని ఆయన స్వగృహంలో ఏర్పాటు చేసిన విలేకరుల సమావేశంలో ఆనంద్ కుమార్(Anand Kumar) మాట్లాడారు.
ఈ రకంగా బిఆర్ఎస్ నాయకులు అధికారాన్ని అడ్డుపెట్టుకొని ఇష్టానుసారంగా మున్సిపల్ ఆస్తులను కొల్లగొట్టి భారీగా సొమ్ము చేసుకున్నట్లు ఆయన పేర్కొన్నారు. సత్యం, షాహిద్ లు అక్రమాలలో తమ పాత్ర లేదని నిరూపిస్తే తాను రాజకీయ సన్యాసం తీసుకుంటానని ఆనంద్ కుమార్ సవాల్ విసిరారు. పన్నువసూలు కోసం బిల్డింగ్ కొలతలు చేసేందుకు మున్సిపల్ సిబ్బంది అక్కడికి వెళితే బిల్డింగ్ యజమాని బెదిరింపులకు దిగుతున్నాడని చెప్పారు.
ఇదే కాకుండా ఆర్ అండ్ బి రోడ్డు ఆక్రమించి భారీ ర్యాంపు(huge ramp) ఏర్పాటు చేసినట్లు చెప్పారు. ర్యాంపు తొలగించాలని ఆర్ అండ్ బి అధికారులు సదరు యజమానికి నోటీసులు ఇచ్చేందుకు వెళితే వారిపై బెదిరింపులకు దిగినట్లు ఆనంద్ కుమార్ పేర్కొన్నారు. ఈ రకంగా కల్వకుర్తి పట్టణంలో బిఆర్ఎస్ నాయకుల అక్రమాలు, దౌర్జన్యాల బాగోతం ఉన్నదని స్పష్టం చేశారు. పారదర్శక పాలన కాంగ్రెస్ పార్టీ(Congress Party)తోనే సాధ్యమని పునరుద్ఘటించారు.
ఎమ్మెల్యే కశిరెడ్డి నారాయణరెడ్డి(MLA Kasireddy Narayana Reddy) సహకారంతో కల్వకుర్తి నియోజకవర్గం అన్ని రంగాలలో అభివృద్ధి చెందుతుందని ఆనంద్ కుమార్ పేర్కొన్నారు. సమావేశంలో మాజీ సర్పంచ్ పసుల సుదర్శన్ రెడ్డి, పట్టణ కాంగ్రెస్ అధ్యక్షులు చిమ్ముల శ్రీకాంత్ రెడ్డి(Chimmula Srikanth Reddy), ఎస్సీ ఎస్టీ విజిలెన్స్ అండ్ మానిటరింగ్ కమిటీ మెంబర్ జిల్లెల్ల రాములు, నాయకులు షాన్ వాజ్ ఖాన్, మాజీ కౌన్సిలర్లు గోరటి శ్రీను, ఎజాస్, బాలు నాయక్, నాయకులు పాండురంగారెడ్డి, రామకృష్ణ, రేష్మ బేగం, పడకంటి వెంకటేష్, దున్న సురేష్ తదితరులు పాల్గొన్నారు.
