కాణిపాకంలో సమర్పించిన ఆలయ ఈవో శీనా నాయక్, వైదిక కమిటీ సభ్యులు, ఉద్యోగులు
ఆలయ మర్యాదలతో స్వాగతం పలికిన కాణిపాకం దేవస్థానం ఈవో కిషోర్
(ఆంధ్రప్రభ, ఎన్టీఆర్ బ్యూరో) : కాణిపాకం (Kanipakam) స్వయంభు వరసిద్ధి వినాయక స్వామి (Varasiddhi Vinayaka Swamy)వారికి కనకదుర్గమ్మ (Kanakadurgamma) వారి పట్టు వస్త్రాలను సంప్రదాయ బద్ధంగా సమర్పించారు. కాణిపాకం వరసిద్ధి వినాయక దేవస్థానంలో జరుగుతున్న వార్షిక బ్రహ్మోత్సవాలలో భాగంగా విజయవాడ (Vijayawada) ఇంద్రకీలాద్రిపై ఉన్న దుర్గా మల్లేశ్వర స్వామి వార్ల దేవస్థానం నుంచి పట్టు వస్త్రాలను సమర్పించారు.
కాణిపాకం దేవస్థానానికి శనివారం వచ్చిన కనకదుర్గమ్మ ఆలయ ఈవో శీనా నాయక్, వైదిక కమిటీ సభ్యులు దేవస్థానం అధికారులకు కాణిపాకం దేవస్థానం ఈవో పెంచల కిషోర్ ఆలయ మర్యాదలతో ఘన స్వాగతం పలికారు. అనంతరం స్వామివారికి ప్రత్యేక పూజలు నిర్వహించి పట్టు వస్త్రాలను అందజేశారు. ఆశీర్వచన మండపంలో వీరికి పండితులు వేద ఆశీర్వచనం చేయగా ఈవో పి కిషోర్ స్వామి వారి చిత్రపటం, ప్రసాదాలను అందజేశారు. ప్రధాన అర్చకులు ఎల్. దుర్గాప్రసాద్, రాంబాబు, అసిస్టెంట్ కమిషనర్ సిహెచ్ రంగారావు, ఏఈవో డాక్టర్ కే గంగాధర్, వైదిక కమిటీ సభ్యులు శ్రీధర్ శర్మ, దేవస్థానం అర్చకులు ఆర్ .శ్రీనివాస శాస్త్రి పాల్గొన్నారు.
