Chandrababu | చరిత్రను తిరగరాసిన ధీరోదాత్తుడు ఎన్టీఆర్..
Chandrababu | చరిత్రను తిరగరాసిన ధీరోదాత్తుడు ఎన్టీఆర్..
- ఏపీ సీఎం చంద్రబాబు
Chandrababu | ఆంధ్రప్రభ, వెబ్ డెస్క్: తరతరాల చరిత్రను తిరగరాసిన ధీరోదాత్తుడు ఎన్టీఆర్ (NTR) అని, తెలుగువారి ఆత్మగౌరవం కోసం ఆయన చేసిన పోరాటం ప్రాతఃస్మరణీయమని ఏపీ సీఎం చంద్రబాబు అన్నారు. ఎన్టీఆర్ 30వ వర్ధంతి సందర్భంగా ఘనంగా నివాళులర్పించారు. ఈ మేరకు ‘ఎక్స్’లో ఆయన పోస్ట్ చేశారు. ఎన్టీఆర్.. సినీ వినీలాకాశంలో ధ్రువతార.. రాజకీయ కురుక్షేత్రంలో అజేయుడు అన్నారు.
రెండు రూపాయలకు కిలో బియ్యం, సామాజిక భద్రతా పింఛన్లు, పక్కా ఇళ్ల నిర్మాణం, రైతులకు (Farmer) విద్యుత్, మండల వ్యవస్థతో స్థానిక స్వపరిపాలన, ఆడబిడ్డలకు ఆస్తిలో హక్కు, రాయలసీమకు సాగు, తాగునీటి ప్రాజెక్టులు లాంటి అనితరసాధ్యమైన సంక్షేమ అభివృద్ధి పథకాలతో చరిత్ర గతిని మార్చిన ఆ మహనీయుడు మనకు ఆదర్శమన్నారు. ఆయన వేసిన బాట మన అందరికీ అనుసరణీయమని చంద్రబాబు పేర్కొన్నారు.
