నిద్రమత్తులో చెట్టును కారుతో ఢీ..
ఒక్కరు మృతి.. మరో ఇద్దరికి తీవ్ర గాయాలు
ఆళ్లగడ్డ (నంద్యాల జిల్లా), ఆంధ్రప్రభ : కర్నూలు- చిత్తూరు జాతీయ రహదారిపై ఆదివారం తెల్లవారుజామున ఘోర రోడ్డు ప్రమాదం సంభవించింది. ఓ కారులో తిరుపతి నుంచి నంద్యాలకు వస్తుండ‌గా నిద్ర మత్తు కార‌ణంగా కారు న‌డుతున్న వ్య‌క్తి చెట్టును ఢీకొట్టాడు. ఈ ప్రమాదంలో ఒక‌రు అక్క‌డిక‌క్క‌డ మృతి చెంద‌గా, ఇద్దరికి తీవ్ర గాయాలయ్యాయి. ఆళ్లగడ్డ డీఎస్పీ కొలికేపూడి ప్రమోద్ తెలిపిన వివరాలు ఇలా ఉన్నాయి. రోడ్డు ప్రమాదంలో కమలాపురం కు చెందిన పిచ్చిరెడ్డి కి తీవ్ర గాయాలయ్యాయి.
పిచ్చిరెడ్డి అనే వ్య‌క్తి తిరుపతిలో మారుతి షోరూంలో సేల్స్ మేనేజర్‌గా విధులు నిర్వహిస్తున్నాడు. కొత్త కారును తిరుపతి నుంచి హైదరాబాద్‌కు డెలివరీ ఇచ్చేందుకు వెళ్తున్నాడు. మార్గమధ్యంలో కడప వద్ద ఇద్దరు ప్రయాణికులను కారులో ఎక్కించుకున్నాడు. ఆళ్లగడ్డ నియోజకవర్గం పరిధిలోని గూబుగుండం మెట్ట వద్దకు వచ్చేసరికి పిచ్చిరెడ్డి నిద్రమత్తులో అదుపుతప్పి కారును చెట్టును ఢీ కొట్టాడు. కడప వద్ద ఎక్కిన ప్యాసింజర్లలో ఒకరైనా నజీర్ హుస్సేన్ (31) అక్కడికక్కడే మృతి చెందాడు. ఇతను కడప పట్టణానికి చెందిన వ్యక్తిగా పోలీసులు గుర్తించారు. కారులో ఉన్న మరో ఇద్దరికీ తీవ్ర గాయాలయ్యాయి. తీవ్రంగా గాయపడిన వారిని నంద్యాల ప్రభుత్వ ఆసుపత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నట్లు డీఎస్పీ ప్రమోద్ తెలిపారు.
