West Bengal | బస్సును ఢీ కొట్టిన కారు.. ఆరుగురు మృతి

నదియా : ప‌శ్చిమ బెంగాల్ లో ఘోర రోడ్డు ప్రమాదం చోటు చేసుకుంది. నదియా జిల్లాలో బస్సు, కారు ఢీ కొన్నాయి. ఈ ఘటనలో ఆరుగురు ప్రాణాలు కోల్పోయినట్లు పోలీసులు తెలిపారు. ఇవాళ‌ ఉదయం 7గంటల ప్రాంతంలో ఈ ఘటన చోటు చేసుకుంది. కోల్‌కతా వెళ్తున్న ఓ కారు కాంథాలియా ప్రాంతానికి సమీపంలోని కృష్ణనగర్-కరీంపూర్ రాష్ట్ర రహదారిపై బస్సును ఢీకొట్టింది. ప్రమాద సమయంలో కారులో ఆరుగురు వ్యక్తులున్నారు. వారంతా అక్కడికక్కడే ప్రాణాలు కోల్పోయినట్లు పోలీసులు తెలిపారు. ప్రమాదంలో పలువురు స్వల్ప గాయాలతో బయటపడినట్లు వెల్లడించారు. ఘటనపై కేసు నమోదు చేసి దర్యాప్తు చేపట్టినట్లు చెప్పారు.