యాదాద్రి, ఆంధ్ర‌ప్ర‌భ ప్ర‌తినిధి : ఎన్నికల ముందు ఇచ్చిన కాంగ్రెస్ హామీలను అమలు చేయాలనీ కోరుతూ ఈ రోజు క‌లెక్ట‌రేట్ ఎదుట బీజేపీ శ్రేణులు ధర్నా (BJP protest) చేపట్టారు. ఈ సందర్బంగా రాష్ట్ర కార్యదర్శి కాసం వెంకటేశ్వర్లు (Kasam Venkateshwarlu), జిల్లా అధ్యక్షుడు ఊట్కూరి అశోక్ గౌడ్ (Utkuri Ashok Goud) మాట్లాడుతూ.. జిల్లాలో నెలకొన్న సమస్యలను వెంటనే పరిష్కరించాలని కోరారు.
ప్రతి మండల కేంద్రంలో జూనియర్ కళశాల, రూ.2లక్షల రుణమాఫీ, ప్రాజెక్టుల నిర్మాణం త్వరగా చేపట్టాలని కోరుతూ అదనపు కలెక్టర్ (Additional Collector) వీరారెడ్డికి వినతిపత్రం అందజేశారు. ఈ కార్యక్రమంలో రాష్ట్ర నాయకులు గూడూరు నారాయణ రెడ్డి, పాశం భాస్కర్, నాయకులు రచ్చ శ్రీనివాస్, బలరాం, తదితరులు పాల్గొన్నారు.
