ఏఎస్ఐ మారుతి మృతి
తాండూరు, ఆంధ్ర‌ప్ర‌భ : రైలు ఎక్కుతూ ప్రమాదవశాత్తు జారిపడి ఏఎస్సై మారుతి(Assy Maruti) (49) మృతి చెందిన దుర్ఘ‌ట‌న వికారాబాద్(Vikarabad) జిల్లా తాండూరు రైల్వేస్టేషన్‌లో చోటుచేసుకుంది. వికారాబాద్ రైల్వే ఎస్ఐ సీహెచ్‌(SI CH). హరిప్రసాద్ తెలిపిన వివ‌రాల ప్ర‌కారం.. కర్ణాటకలోని చించోలి(Chincholi) తాలూకా మరుప‌ల్లికి చెందిన మారుతి కలబురగి జిల్లా జేడీ హల్లి పీఎస్‌(JD Halli PS)లో ఏఎస్సైగా పనిచేస్తున్నారు.
విధుల‌కు వెళ్లేందుకు నిన్నరాత్రి తాండూరు రైల్వే స్టేషన్లో రాత్రి 11 గంటల సమయంలో యశ్వంతపూర్ ఎక్స్ ప్రెస్ రైలు ఎక్కేందుకు యత్నించారు. ఈ క్రమంలో ప్రమాదవశాత్తు జారి రైలు కింద పడ్డారు. రెండు కాళ్లు విరిగిపోవడంతో అపస్మారక స్థితికి చేరుకున్నారు. రైల్వే సిబ్బంది శ్రీను, నదీమ్(Nadeem) ఆయన్నువెంటనే తాండూరు జిల్లా ఆస్పత్రికి తరలించారు. మెరుగైన వైద్యం కోసం కుటుంబసభ్యులు కలబురిగిలోని ఓ ప్రైవేటు ఆస్పత్రికి(Private Hospital) తరలించగా అక్కడ చికిత్స పొందుతూ ఈ రోజు తెల్లవారుజామున మృతిచెందారు. ఈ ఘటనపై కేసు నమోదు చేసి దర్యాప్తు చేపట్టినట్లు రైల్వేఎస్ఐ తెలిపారు.
