Accident | మరో బస్సు ప్రమాదం..
- లారీని ఢీ కొట్టిన ప్రైవేటు బస్సు..
- ఇద్దరు మృతి.. ముగ్గురికి తీవ్ర గాయాలు..
Accident, నేరడిగొండ, ఆంధ్రప్రభ : నేరేడిగోండ మండలం బోథ్ క్రాస్ రోడ్డు వద్ద జాతీయ రహదారి పై ఈరోజు తెల్లవారుజామున 4.30 గంటలకు ఘోర రోడ్డు ప్రమాదం (Road Accident) జరిగింది. ఆగి ఉన్న ఇసుక లారీని వెనుక నుండి ప్రైవేట్ ట్రావెల్స్ బస్సు ఢీకొట్టడంతో ఇద్దరు ప్రయాణికులు అక్కడికక్కడే మృతి చెందారు. మరో ముగ్గురికి తీవ్ర గాయాలయ్యాయి.
బస్సు డ్రైవర్ నిర్లక్ష్యo తోనే ప్రమాదం..
ప్రైవేట్ ట్రావెల్ బస్సు హైదరాబాద్ (Hyderabad) నుండి యూపిలోని గోరఖ్ పూర్ కు 49 మంది ప్రయాణికులతో వెళ్తుండగా బోథ్ ఎక్స్ రోడ్ జాతీయ రహదారి పై ఈ దుర్ఘటన చోటుచేసుకుంది. ప్రమాదం జరిగిన వెంటనే 108 అంబులెన్స్ లో పోలీసులు క్షతగాత్రులను ఆదిలాబాద్ రిమ్స్ ఆస్పత్రికి తరలించారు. మృతులు ఉత్తరప్రదేశ్ కు చెందిన వారుగా గుర్తించారు. కాగా ప్రమాద ఘటన స్థలం వద్ద కిలోమీటర్ల మేర ఇరువైపులా వాహనాలు మూడు గంటల పాటు ఎక్కడికక్కడే నిలిచిపోయాయి. నేరడిగొండ పోలీసులు కేసు దర్యాప్తు చేపట్టారు.
