ACCIDENT| రోడ్డు ప్రమాదంలో ఒకరు మృతి..

ACCIDENT| కొడవలూరు, ఆంధ్రప్రభ : కొడవలూరు మండలం కమ్మ పాలెం వద్ద గురువారం రాత్రి జరిగిన రోడ్డు ప్రమాదంలో ఒకరు మృతి చెందారు. గీతాంజలి ఇంజనీరింగ్ విద్యార్థులైన అన్వర్ భాష, రంగనాథ్ కారులో బోగోల్లో ఒక కార్యక్రమానికి హాజరై నెల్లూరుకు తిరిగి వస్తుండగా ఈ ప్రమాదం జరిగింది. ముందు వెళ్తున్న టిప్పర్ ను కారు ఢీ కొనడంతో అన్వర్ భాష అక్కడికక్కడే మృతి చెందాడు. రంగనాథ్ కు స్వల్ప గాయాలయ్యాయి. ఎస్సై కోటిరెడ్డి సంఘటన స్థలాన్ని చేరుకొని పరిశీలించారు. కేసు నమోదు చేసి దర్యాప్తు చేస్తున్నామని తెలిపారు.