5 Dead 170 Injured Iran : అమెరికా దూకుడు Andhra Prabha News
5 Dead 170 Injured Iran : అమెరికా దూకుడు Andhra Prabha News
- ఐదుగురు దుర్మరణం
- 170 మంది గాయాలు
- మాహ్షహర్ సై దాడి ఫలితం
- బందర్ ఇమామ్, ఫజ్ర్ కంపెనీలపై దాడులు
- పారిశ్రామిక ప్రాంతాలే కాదు..
- జనవాసాలపై కూడా దాడులు
- షాహిద్ బెహెష్తీ యూనివర్సిటీపై దాడి
- వైద్య రంగంపై ప్రభావం..
- ఆసుపత్రులు ధ్వంసం
- WHO ఆందోళన
( ఆంధ్రప్రభ, టెహ్రాన్ ప్రతినిధి)
5 Dead 170 Injured Iran : ఇరాన్ నైరుతి ప్రాంతంలోని వ్యూహాత్మక మాహ్షహర్ పెట్రోకెమికల్ ప్రత్యేక ఆర్థిక జోన్పై అమెరికా ఇజ్రాయెల్ దళాల వైమానిక దాడుల్లో కనీసం ఐదుగురు దుర్మరణం చెందారు. సుమారు 170 మందికి పైగా గాయపడ్డారు, మాహ్షహర్ జోన్లోని మూడు ప్రధాన కంపెనీల ప్రాంగణాలపై ఈ దాడులు జరిగాయి. బందర్ ఇమామ్ పెట్రోకెమికల్ కాంప్లెక్స్ ఫజ్ర్ 1 , ఫజ్ర్ 2 కంపెనీలు ఉన్నాయి.
5 Dead 170 Injured Iran : జనవాసాలూ కకావికలం
కేవలం పారిశ్రామిక కేంద్రాలే కాకుండా, జనవాసాలపై కూడా దాడులు పెరిగాయని అంతర్జాతీయ నివేదికలు పేర్కొంటున్నాయి:
టెహ్రాన్లోని ప్రతిష్టాత్మక షాహిద్ బెహెష్తీ యూనివర్సిటీ (Shahid Beheshti University) లోని లేజర్ అండ్ ప్లాస్మా రీసెర్చ్ ఇన్స్టిట్యూట్పై దాడులు జరిగాయి. యుద్ధం మొదలైనప్పటి నుంచి ఇప్పటివరకు సుమారు 30కి పైగా విశ్వవిద్యాలయాలు ప్రభావితమయ్యాయని సమాచారం.
టెహ్రాన్లోని ఒక సైకియాట్రిక్ హాస్పిటల్ (Psychiatric Hospital) పాశ్చర్ ఇన్స్టిట్యూట్ ఆఫ్ ఇరాన్ (Pasteur Institute of Iran) సమీపంలో దాడులు జరిగాయి. ఆసుపత్రి భవనాలు దెబ్బతిన్నాయి. మార్చి 1 నుండి ఇప్పటివరకు ఇరాన్ అంతటా 20కి పైగా ఆరోగ్య కేంద్రాలపై దాడులు జరిగినట్లు ప్రపంచ ఆరోగ్య సంస్థ (WHO) ఆందోళన వ్యక్తం చేసింది. కరాజ్ నగరంలోని ఒక పెద్ద రోడ్డు వంతెన (Road Bridge) పై కూడా మిస్సైల్ దాడులు జరిగాయి.
