Trump Warning : ఒక్క రాత్రి చాలు Andhra Prabha News
Trump Warning : ఒక్క రాత్రి చాలు Andhra Prabha News
- ఇరాన్ని కూల్చేస్తాం
- అది రేపే కావొచ్చు
- ఇరాన్ ప్రజల తిరుగుబాటుపై ట్రంప్ వ్యాఖ్యలు..
- తీవ్ర పరిణామాల హెచ్చరిక
- అది భారీ ఆపరేషన్
- 170 విమానాలు రంగంలోకి
- ప్రమాదకర రెస్క్యూ మిషన్..
- పైలట్ రక్షణ కథ
- లీకేజీపై ఆగ్రహం..
- జైలుకు పంపిస్తామని హెచ్చరిక
- సీఐఏ మాయ ప్రచారం.. ఆపరేషన్ విజయవంతం
- రేపు మరింత దాడులు.. అమెరికా రక్షణ మంత్రి వ్యాఖ్యలు
- వైట్ హౌస్ నుంచి ట్రంప్
( ఆంధ్రప్రభ, వాషింగ్టన్ ప్రతినిధి)
ఇరాన్ను ఒక్క రాత్రిలో కూల్చివేయగలం.. “ఆ రాత్రి కూడా రేపే కావచ్చు” అని అమెరికా అధ్యక్షుడు ట్రంప్ అన్నారు. వైట్ హౌస్ లో సోమవారం రాత్రి ఆయన విలేకరులతో మాట్లాడుతూ, కాల్పుల విరమణ ప్రకటన తరువాత ఇరాన్ ప్రజలు తిరుగుబాటు చేయవచ్చు, కానీ తీవ్ర పరిణామాలు ఉంటాయి. అని ట్రంప్ హెచ్చరించారు . యుద్ధ విరమణ సమయంలో ఇరాన్ ప్రజలు తమ దేశ నాయకులకు వ్యతిరేకంగా తిరుగుబాటు చేయాలా? విలేఖరులు ప్రశ్నించగా ప్రజలు తిరుగుబాటు చేయాలి, మళ్ళీ చెబుతున్నా, పరిణామాలు చాలా తీవ్రంగా ఉంటాయి… మీరు నిరసన తెలిపితే, మిమ్మల్ని వెంటనే కాల్చివేస్తారు. అన్నారు.
Trump Warning : 100 మందిని ఫణంగా పెట్టాం
ఈ ఆపరేషన్ లో 170 విమానాలు రంగంలోకి దించాం. తొలి ఫైలట్ను రక్షించటానికి 21. రెండవ ఫైలట్ ను కాపాడటానికి 155 ఎయిర్ క్రాప్టులు పని చేశాయని ట్రంప్ వివరించారు. 100 మంది మరణించి ఉండేవారు,’ అని ట్రంప్ అన్నారు. “మన ధైర్యవంతులైన యోధులను ఇంటికి తీసుకురావడానికి అవసరమైనది ఏదైనా చేయాలని నేను యు.ఎస్. సాయుధ దళాలను ఆదేశించాను. ఇది ఒక ప్రమాదకర నిర్ణయం, ఎందుకంటే ఒకరిద్దరికి బదులుగా 100 మంది మరణించి ఉండేవారు,” దాదాపు దారి తప్పిన ఒక ప్రమాదకర రెస్క్యూ మిషన్ అనంతరం ట్రంప్ విలేకరులతో అన్నారు.
Trump Warning : లీకేజీ వ్యక్తిని జైలుకు పంపుతాం
అమెరికా చేపట్టిన సహాయక చర్యల సమాచారాన్ని లీక్ చేసిన వ్యక్తి పేరును మీడియా సంస్థను అడుగుతాం, ఆ విషయంపై వార్తలు అందించిన వ్యక్తికి జైలు శిక్ష విధిస్తాం అని ట్రంప్ హెచ్చరించారు. ఈ మిషన్ను తీవ్ర ప్రమాదంలో పడేశారు. ఆ వ్యక్తిని తీవ్ర ప్రమాదంలో పడేశారు,” అని ఆయన అన్నారు.
Trump Warning : మీడియాను వదలం
“ఆ సమాచారాన్ని విడుదల చేసిన మీడియా సంస్థ వద్దకు మేము వెళ్తాం, ‘జాతీయ భద్రత దృష్ట్యా, ఆ సమాచారాన్ని ఇవ్వండి లేదా జైలుకు వెళ్ళండి’ అని చెబుతాం… అలా చేసినప్పుడు, ఒక్కసారిగా ఇరాన్ దేశం మొత్తం, భూభాగంలో ఎక్కడో ఒక పైలట్ తన ప్రాణాల కోసం పోరాడుతున్నాడని తెలిసిపోయింది.” అని ట్రంప్ ఆగ్రహం వ్యక్తం చేశారు. ఇరాన్ నుంచి ఒక అమెరికన్ వైమానిక దళ సిబ్బందిని రక్షించే మిషన్ దాదాపు విజయవంతంగా ముగిసిందని ట్రంప్ నొక్కి చెప్పారు.
Trump Warning : ఇక మరిన్ని దాడులుంటాయ్
అమెరికా రక్షణ మంత్రి పీట్ హెగ్సెత్ మాట్లాడుతూ, .ఇరాన్లో అమెరికా ఆపరేషన్ ప్రారంభమైనప్పటి నుండి సోమవారం అత్యధిక సంఖ్యలో దాడులు జరుగుతాయని అన్నారు. “ఈ రోజు కంటే రేపు ఇంకా ఎక్కువగా ఉంటాయి. ఇరాన్కు ఒక అవకాశం ఉంది. తెలివిగా ఎంచుకోండి, ఎందుకంటే ఈ అధ్యక్షుడు ఆటలాడుకోరు.” అని హెగ్సెత్ అన్నారు.
Trump Warning : మాయ చేశాం : సీఐఏ డైరెక్టర్
“మా వైమానిక దళ సిబ్బంది కోసం తీవ్రంగా వేటాడుతున్న ఇరానియన్లను గందరగోళానికి గురిచేయడానికి మా సంస్థ ఒక ‘మోసపూరిత ప్రచారాన్ని’ అమలు చేసింది” అని సీఐఏ డైరెక్టర్ జాన్ రాట్క్లిఫ్ విలేకరులతో అన్నారు. “అమెరికా అత్యుత్తమ, ధైర్యవంతులలో ఒకరు సజీవంగా ఉన్నారని, ఒక పర్వత లోయలో దాగి ఉన్నారని, శత్రువుకు కనిపించకుండా, కానీ సీఐఏకు కనిపించేలా ఉన్నారని కనుగొని, ఆ విషయాన్ని నిర్ధారించి మేము మా ప్రాథమిక లక్ష్యాన్ని సాధించాం,” అని రాట్క్లిఫ్ అన్నారు.ALSO
