TG | డిఫెన్సివ్ డ్రైవింగ్ పై అవగాహన..
TG | డిఫెన్సివ్ డ్రైవింగ్ పై అవగాహన..
TG, ముధోల్, ఆంధ్రప్రభ : నియోజకవర్గ కేంద్రమైన ముధోల్ లో నిర్మల్ జిల్లా ఎస్పీ జానకి షర్మిల ఆదేశాల మేరకు బుధవారం ప్రభుత్వ జిల్లా పరిషత్ ఉన్నత పాఠశాల గ్రౌండ్లో ముధోల్ ఎస్ఐ బిట్ల పెర్సిస్ ఆధ్వర్యంలో క్రీడాకారులకు, యువకులకు, వాహనదారులకు డిఫెన్సివ్ డ్రైవింగ్ పై అవగాహన కల్పించారు. రోడ్డు పై డ్రైవింగ్ చేస్తున్నప్పుడు ట్రాఫిక్ నిబంధనలు పాటిస్తూ పరిసరాలను ముందుగానే గమనిస్తూ.. డ్రైవింగ్ చేయాలని ఎస్ఐ సూచించారు.
డిఫెన్స్ డ్రైవింగ్ వల్ల ప్రమాదాలను నివారించవచ్చని పేర్కొన్నారు. ఎదుటివారి తప్పిదాలను తప్పనిసరిగా డ్రైవింగ్ చేసేటప్పుడు గమనించాలన్నారు. దీని వలన ప్రమాదల నుండి రక్షించుకోవచ్చన్నారు. పోలీస్ శాఖ ఆధ్వర్యంలో డిఫిన్సి డ్రైవింగ్ పై ప్రతి ఒక్క డ్రైవర్ కు అవగాహన కల్పిస్తామన్నారు. ఈ పద్ధతిని వాహనదారులు తప్పనిసరిగా పాటిస్తే.. ప్రమాదాలను నివారించవచ్చని సూచించారు. నిర్మల్ పోలీస్.. మీ పోలీస్ అని అన్నారు. ఈ కార్యక్రమంలో యువకులు, పోలిస్ సిబ్బంది, గ్రామస్థులు, తదితరులు పాల్గొన్నారు.
