Sidhu Jonnalagadda | ఆంధ్రప్రభ వెబ్ డెస్క్ : ప్రత్యేకమైన కథలు ఎంచుకుని.. తనదైన నటనతో ప్రేక్షకుల హృదయాలను(The hearts of the audience) గెలుచుకున్న స్టార్ బాయ్ సిద్ధు జొన్నలగడ్డ, తన ఆరో చిత్రానికి రెడీ అవుతున్నాడు. తాజాగా ఈ చిత్రాన్ని అధికారికంగా ప్రకటించారు. సిద్ధు జొన్నలగడ్డ, సితార ఎంటర్టైన్మెంట్స్(Entertainments) కలయికలో వస్తున్న మూడో చిత్రమిది. గతంలో వీరి కలయికలో వచ్చిన డీజే టిల్లు, టిల్లు స్క్వేర్ సినిమాలు భారీ విజయం సాధించాయి. ఇప్పుడు వారు హ్యాట్రిక్ కోసం రెడీ అవుతున్నారు. శ్రీకర స్టూడియోస్ సమర్పణలో సితార ఎంటర్టైన్మెంట్స్, ఫార్చూన్ ఫోర్ సినిమాస్ బ్యానర్స్ పై సూర్యదేవర నాగవంశీ, సాయి సౌజన్య(sowjanya) ఈ చిత్రాన్ని నిర్మిస్తున్నారు.
తన ప్రత్యేకమైన కథన శైలితో గుర్తింపు పొంది, ప్రతిభ గల యువ దర్శకులలో ఒకరిగా పేరుగాంచిన స్వరూప్ ఆర్ఎస్జే.. ఈ ప్రతిష్టాత్మక చిత్రం కథ, కథనం, దర్శకత్వ బాధ్యతలు(Directorship Responsibilities) నిర్వహిస్తున్నారు. అద్భుతమైన కథాకథనాలతో ప్రేక్షకులను ఆకట్టుకునే ఓ కొత్త ప్రపంచాన్ని తెర పై ఆవిష్కరించనున్నారు. ఈ సినిమాలో సిద్ధు జొన్నలగడ్డను కొత్తగా, వినోదాత్మకమైన అవతారంలో కనిపించనున్నారు. నిరంతరం తనను తాను కొత్తగా ఆవిష్కరించుకునే సిద్ధు జొన్నలగడ్డ, నటుడిగా తనను సవాలు చేసే కథలను ఎంచుకుంటున్నాడు. ఈ అనౌన్స్ మెంట్(Announcement) తోనే ఈ సినిమా పై భారీ అంచనాలు ఏర్పడ్డాయి. మరిన్ని వివరాలను త్వరలో వెల్లడించనున్నారు.
