16DigitsUID| మహిళలకు స్మార్ట్ కార్డులు
16DigitsUID| మహిళలకు స్మార్ట్ కార్డులు
16DigitsUID |మహాలక్ష్మి పథకం – ఉచిత బస్సు ప్రయాణానికి స్మార్ట్ కార్డులు
ప్రతి లబ్ధిదారికి 16 అంకెల యూఐడీ నంబర్
జూన్ 2న కార్డుల జారీకి ప్రభుత్వం నిర్ణయం
తొలి విడతలో 5 లక్షల మందికి స్మార్ట్ కార్డులు
రాష్ట్రవ్యాప్తంగా 1.5 కోట్ల మందికి అమలు లక్ష్యం
16DigitsUID | ఆంధ్రప్రభ వెబ్డెస్క్ : తెలంగాణ రాష్ట్ర ప్రభుత్వం మహాలక్ష్మి పథకం పేరుతో మహిళలకు ఉచిత బస్సు ప్రయాణ సౌకర్యాన్ని కల్పిస్తున్న విషయం తెలిసిందే. ఈ పథకం అమల్లోకి వచ్చినప్పటి నుంచి ఎంతోమంది మహిళలు సద్వినియోగం చేసుకున్నారు. ఫ్రీగా బస్సు ఎక్కాలంటే అర్హులైన మహిళలు ఇప్పటివరకు ఆధార్ కార్డు చూపించేవారు. కానీ ఇప్పటి నుంచి ఆ అవసరం ఉండదు. త్వరలో మహిళలకు స్మార్ట్కార్డులు ఇవ్వాలని సర్కార్ నిర్ణయించింది. దీనికి సంబంధించి ఇప్పటికే ఆర్టీసీని ప్రభుత్వం ఆదేశించింది. త్వరలో స్మార్ట్కార్డులను సిద్ధం చేయాలని , జూన్ 2వ తేదీన వీటిని జారీ చేయాలని సూచించింది. తొలి దశ ప్రాజెక్టుగా దాదాపు 5 లక్షల మందికి స్మార్ట్ కార్డులు ఇవ్వనున్నట్లు సమాచారం.
చిప్తో కూడినటు వంటి ఈ స్మార్ట్కార్డులను
చిప్తో కూడినటు వంటి ఈ స్మార్ట్కార్డులను అందించేందుకు ఏర్పాట్లు చేస్తోంది. ఈ స్మార్ట్కార్డు జారీలో ప్రతి ప్రయాణికురాలికి 16 అంకెల యూఐడీ నంబర్ ఇస్తారు. ఆ కార్డు ముందు సైడ్ ఎడమ వైపు లబ్ధిదారు పేరు, గ్రామం, మండలం, జిల్లా తదితర వివరాలు ఉంటాయి. కుడివైపు ఫొటో ఉంటుంది. వెనక భాగంలో ఉచిత బస్సు పథకానికి సంబంధించిన నియమ నిబంధనలు పొందుపరిచారు. రాష్ట్రవ్యాప్తంగా సుమారు 1.5 కోట్ల మందికి ఈ స్మార్ట్కార్డులు జారీ అవనున్నాయి. రెండు నెలల క్రితం తొలి దశలో 5 లక్షల స్మార్ట్ కార్డులతో పైలట్ ప్రాజెక్టు చేపడతామని ఆర్టీసీ తెలిపింది.
స్మార్ట్ కార్డుల ద్వారా ప్రయోజనం
ఈ స్మార్ట్కార్డుల జారీతో అర్హత లేని ప్రయాణికుల దుర్వినియోగాన్ని అరికట్టవచ్చు. అలాగే రూట్, దూర ప్రయాణాలకు, సమయాలపై కచ్చితమైన సమాచారం తెలుసుకోవచ్చు. పేపర్ లెస్ టికెట్ ప్రయాణం తోపాటు కండక్టర్లపై పనిభారం తగ్గుతుంది. రద్దీగా ఉన్న రూట్ల వివరాలు తెలుస్తాయి. బస్సులు పెంచడం, తగ్గించడం ఆర్టీసీకి తేలికవుతుంది. అలాగే ఈ ఉచిత బస్సు పథకాన్ని ఎంతమంది ఉపయోగించుకున్నారో తెలుస్తుంది.
