తెలంగాణకు వర్ష సూచన..
తెలంగాణలోని పలు జిల్లాల్లో వర్షం పడనుందని వాతావరణ శాఖ తెలియచేసింది. వికారాబాద్, సంగారెడ్డి, ఆదిలాబాద్, కొమరం భీమ్, సిద్దిపేట, యాదాద్రి, మెదక్, మహబూబ్ నగర్, నారాయణపేట, నాగర్ కర్నూల్, వనపర్తి, జోగులాంబ, గద్వేల్, నల్గొండ, సూర్యాపేట, భువనగిరి జిల్లాల్లో ప్రజలు అత్యంత అప్రమత్తంగా ఉండాలని అధికారులు సూచించారు. ఈ పాంతాల్లో పిడుగులు పడే అవకాశం ఉన్నందున ప్రజలు సురక్షిత ప్రాంతాల్లో ఉండాలన్నారు. హైదరాబాద్ లో మధ్యాహ్నం నుంచి రాత్రి సమయంలో మోస్తరు వర్షం కురిసే అవకాశం ఉందని వాతావరణ శాఖ తెలియచేసింది. భారీ వర్షాలు కురిసే ప్రాంతాల్లో ప్రజలు జాగ్రత్తలు తీసుకోవాలని, లోతట్టు ప్రాంతాల ప్రజలు అప్రమత్తంగా ఉండాలని అధికారలు సూచించారు.
